1200 x 80 DMirror

 
 

ලංකාවේ අවුරුදු 21ක්ම අගමැතිකම් දරා තිබෙන්නෙ ඡන්දයෙන් ඍජුව පත් නොවූ අයයි.


රනිල් වික්‍රමසිංහ අගමැති ධුරයට පත්වුණේ ඍජුව මහජන ඡන්දයෙන් නොව ජාතික ලැයිස්තුව හරහා බැවින් ඔහුට ජනවරමක් නැතැයි තර්ක කරන පළපුරුදු යයි කියන දේශපාලනඥයන්ගේ නොදැනුමට රැවටී මෝඩයන් නොවන්නට මෙම දැනුම ලබාගන්න.

මූලාශ්‍ර පාර්ලිමේන්තුවේ නිල තොරතුරු හා වෙනත් ලිඛිත මූලාශ්‍රයන්ය.

1960 මාර්තු මෙන්ම ජුලි මැතිවරණවලටද සිරිමාවෝ බණ්ඩාරනායක තරග නොකළ අතර, ජුලි මැතිවරණයෙන් ජයගත් ශ්‍රී ලංකා නිදහස් පක්ෂයෙන් ඇය අගමැති ධුරයට පත්වුණේ මන්ත්‍රීවරියක ලෙස නොවේ. ඇය මන්ත්‍රීවරියක වුණේ අගමැතිවරිය ලෙස දිවුරුම් දීමෙන් පසුවයි. ඇම්.පී. ද සොයිසා මහතා සෙනෙට් සභාවේ සාමාජිකත්වයෙන් ඉල්ලා අස්වීමෙන් නිර්මාණය වූ පුරප්පාඩුවට ඇය පත්වූවාය.

ඉන් පසු, 1965, 1970, 1977, 1989 මැතිවරණ ජයගත් ඇය 1994දී පත්වුණේ ජාතික ලැයිස්තු මන්ත්‍රීවරියක ලෙසයි. ඇය 1994 සිට 2000 දක්වා අගමැති ධුරය හෙබවූවාය.

2005 සිට 2010 දක්වා අගමැති ධුරය දැරූ රත්නසිරි වික්‍රමනායක 2004දී ජාතික ලැයිස්තුවෙන් පත්වූ මන්ත්‍රීවරයෙකි. ඇත්තම කියනවා නම් පක්ෂ නායිකා චන්ද්‍රිකාට ඔහු පත්කරන්නට ද අමතක විය. ජාතික ලැයිස්තුවෙන් පත්කර සිටි ජනදාස පීරිස්ට අස්වෙන්නැයි කියා රත්නසිරිව ජාතික ලැයිස්තුවෙන් පත්කරන ලද අතර පසුව ඔහු අගමැති විය.

2010-2015 සමයේ අගමැති ධුරය හෙබවූ දි.මු. ජයරත්න පාර්ලිමේන්තුව නියෝජනය කළේ ද ජාතික ලැයිස්තු මන්ත්‍රීවරයකු ලෙසය.

මේ අනුව ශ්‍රී ලංකා ඉතිහාසයේ අවුරුදු 25ක් පමණ කාලයක් අගමැති ධුරය හොබවා තිබෙන්නේ ඡන්දයෙන් ඍජුව පත්වූ මන්ත්‍රීවරුන් නොවේ.

(අජිත් පැරකුම් ජයසිංහ)
දේශපාලන හා සමාජ විශ්ලේෂක
praja.lk

AJITH PARAKUM

 

 

 

 

 

 

 

Leader Whats app

 

 

 

subscribeYT

subscribeYT

WhatsApp Image 2021 09 13 at 13.49.58