1200 x 80 DMirror

 
 

නාට්‍ය කලාවේ විශිෂ්ටයින් ඇගයෙන බ්‍රිතාන්‍ය ඔලිවර් සම්මාන උලෙළේ දී හොඳම රංගන ශිල්පියා ලෙස ඊයේ (10) දින ඇගයුම් ලැබූ ශ්‍රී ලාංකේය රංගන ශිල්පී

හිරාන් අබේසේකර, එම සම්මාන වේදිකාවේ දී මෙරට අරගලයට සහය පළ කර සිටියේ ය.

 

"මගේ ශ්‍රී ලංකාව මේ මොහොතේ අසීරු කාලයක් පසු කරමින් ඉන්නේ. ඔබ සියලු දෙනා ගැනම මම හිතනවා. මට ඔබ සමඟ රැඳෙන්න තිබුණා නම් කියා හිතෙනවා. මචංලා මං උඹලට ආදරෙයි ! ජයවේවා !"

 



හිරාන් අබේසේකර එංගලන්තයේ රාජකීය නාට්‍ය කලා ඇකඩමියේ උපාධිලාභීයෙකි. ඔහු 2015 රාජ්‍ය නාට්‍ය සම්මාන උලෙළේ දී හොඳම රංග වින්‍යාසය උදෙසා සම්මාන දිනා ගත්තේ ය. ඒ “මෙය තුවක්කුවක් නොවේ” වේදිකා නිර්මාණය වෙනුවෙනි.

එසේම, “එක්සත් රාජධානි නාට්‍ය සම්මාන උලෙළ 2019” දී හොඳම වේදිකා රංගනය වෙනුවෙන් පිදෙන සම්මානය තමන් සතු කර ගැනීමට ද ඔහු සමත් විය.

 

lskosk

වේදිකාවේ විශිෂ්ටයින් අගයමින් වාර්ෂිකව සංවිධාන කෙරෙන බ්‍රිතාන්‍ය ඔලිවර් සම්මාන උලෙළ මෙවර පැවැත්වුණේ Royal Albert Hall හි දී ය.

යැන් මාටෙල් විසින් රචිත, බුකර් සම්මාන දිනූ නවකතාවක් ඇසුරින් නිර්මිත "Life of PI" වේදිකා රංගයේ ප්‍රධාන භූමිකාවට පණ පෙවූ හිරාන් අබේසේකර හොඳම රංගන ශිල්පියා ලෙස ඇගයුම් ලබද්දී ව්‍යඝ්‍රයාගේ චරිතයට පණ දුන් සෙසු නළුවන් හත් දෙනා ද හොඳම සහය රංගන ශිල්පියාට හිමි සම්මානය දිනා ගනු ලැබීය.

Pi 1200 231121

 

 

Leader Whats app

 

 

 

subscribeYT

subscribeYT

WhatsApp Image 2021 09 13 at 13.49.58