ශ්‍රී ලාංකීය නවකතාකරුවෙකු වන ශෙහාන් කරුණාතිලක විසින් ලියූ "The seven Moons of Maali Almeida" කෘතිය 2022 බුකර් ත්‍යාගය සඳහා දිගු ලැයිස්තු
ගත වී ඇත.
බුකර් ත්‍යාගය සඳහා මෙවර දිගු ලැයිස්තු ගතවූ කෘති ගණන 13කි.
ඒ අනුව, පිට පිට වසර දෙකක් තුළ ශ්‍රී ලාංකීය ලේඛකයන් දෙදෙනෙකු මෙම සම්මානය සඳහා ලැයිස්තුගත වූ පළමු අවස්ථාව මෙයයි. මීට පෙර අනුක් අරුද්ප්‍රගාසම් රචනා කළ "A Passage North" කෘතිය 2021 බුකර් ත්‍යාගයේ අවසන් වටයේ නිර්දේශිත කෘති 6 අතරට සුදුසුකම් ලැබී ය.
දකුණු ආසියානු සාහිත්‍ය සඳහා පිරිනැමෙන DSC ත්‍යාගය ලබාගනිමින්
ශෙහාන් කරුණාතිලක විසින් රචිත Chinaman: The Legend of Pradeep Mathew නම් නවකතාව 2008 දී ග්‍රේෂියන් ත්‍යාගය, 2010 දී පොදු රාජ්‍ය මණ්ඩලීය කෘති සඳහා වූ ත්‍යාගය සහ 2012 දී දකුණු ආසියානු සාහිත්‍ය සඳහා පිරිනැමෙන DSC ත්‍යාගය හිමිකරගෙන තිබේ. "The seven Moons of Maali Almeida" ඔහුගේ දෙවැනි නවකතාවයි.
2022 බුකර් ත්‍යාගයේ අවසන් වටයට නිර්දේශ වූ සෙසු කෘති මෙසේය,
Glory - NoViolet Bulawayo
Trust - Hernan Diaz
The Trees - Percival Everett
Booth - Karen Joy Fowler
Treacle Walker - Alan Garner
The Seven Moons of Maali Almeida - Shahan Karunatilaka
Small Things Like These - Claire Keegan
Case Study - Graeme Macrae Burnet
The Colony - Audrey Magee
Maps of Our Spectacular Bodies - Maddie Mortimer
Nightcrawling - Leila Mottley
After Sappho - Selby Lynn Schwartz
Oh William! - Elizabeth Strout
එක්සත් රාජධානිය සහ අයර්ලන්තය තුළ දී ඉංග්‍රීසි බසින් ප්‍රකාශිත නවකතා බුකර් ත්‍යාගය සඳහා සුදුසුකම් ලබන අතර ඕනෑම රටක ලේඛකයෙක්ට එය විවෘත වේ.
මෙවර කෙටි ලැයිස්තුගත කෙරෙන කෘති 6 සැප්තැම්බර් 6 වැනිදා ද ජයග්‍රාහකයා ඔක්තෝබර් 17 වැනිදා ද නිවේදනය කිරීමට නියමිත ය.
The LEADER Whatsapp Group එකට එකතුවෙන්න.
