මෙරට දෘශ්‍ය කලා ශිල්පීන්ට සිය නිර්මාණ කෞශල්‍ය ඉදිරිපත් කිරීම උදෙසා මනා වේදිකාවක් වූ ‘කලාපොළ’ අද (21) ආරම්භ විය.
වාර්ෂිකව මෙරට දී පැවැත්වෙන විශාලතම එළිමහන් කලා සල්පිල ලෙස සැලකෙන කලාපොළ, කොවිඩ්-19 වසංගත තත්වය නිසා මෙවර පැවැත්වෙන්නේ ඔන්ලයින් ක්‍රමයට ය.
ඒ කලාකරුවන් 200කට අධික පිරිසකගේ කලා නිර්මාණ 4000කට අධික සංඛ්‍යාවක් ප්‍රදර්ශනය කරමිනි.
1993 වසරේ කලාකරුවන් 30 දෙනකුගේ සහභාගිත්වයෙන් ඇරඹුණු මේ කලාපොළ, මෙවර පැවැත්වෙන්නේ 28 වැනි වරට ය.
ජෝන් කීල්ස් සමූහයේ සහයෝගිතාව සමඟින් ජෝර්ජ් කීට් පදනම විසින් සංවිධානය කරනු ලබන මෙම කලා සල්පිලේ සාම්ප්‍රදායික චිත්‍ර, මූර්ති හා අලේඛ්‍ය සිතුවම්වල පටන්, නූතන චිත්‍ර හා ඉතා සංකීර්ණ මූර්ති දක්වා දෘශ්‍ය කලා මාධ්‍ය ගණනාවක කලා නිර්මාණ ප්‍රදර්ශනය කෙරේ.
‘කලාපොළ’ මාර්තු 21 වැනිදා දක්වා පැවැත්වෙනු ඇත.
‘කලාපොළ’ට මෙතනින් පිවිසෙන්න. srilankanartgallery.com
(අවාරා)
ජාතිකවාදී කිසිවකු බෞද්ධයකු නොවේ - පළමු දිගහැරම
සනා පෝලිම කඩන් එන්නත ගහගෙන.. ඇමතිවරු දෙන්නෙක් ගෙදර? ජනතාව අම්බානක සතුටින්...
