LGBTIQ+ ආදරය : කෙටි චිත්‍රපට තරගයට නිර්මාණ බාර ගැනේ 

"කොළඹ අභිමානය 2021" (Colombo Pride) කෙටි චිත්‍රපට තරගය සඳහා නිර්මාණ බාර ගැනීම මේ වනවිට ආරම්භ කර තිබෙනවා.

 

 

LGBTIQ+ ප්‍රජාවේ කතාබහට ලක් විය යුතු සංසිද්ධීන් හා මාතෘකා රැගත්, "ආදරයෙන් ඉමු" යන තේමාව යටතේ කෙටි චිත්‍රපට මේ සඳහා යොමු කළ හැකි බවයි සංවිධායකයින් පවසන්නේ.

 

සෑම නිර්මාණයක්ම උපරිම විනාඩි 5ක කාලයකට සීමා විය යුතු අතර ජංගම දුරකථනයකින් රූගත කළ චිත්‍රපට මෙන්ම සජීවිකරණ චිත්‍රපට ද තරගය සඳහා බාර ගැනේ. චිත්‍රපට එවිය යුතු ආකෘතිය MP4 ය. 

 

This email address is being protected from spambots. You need JavaScript enabled to view it. යන විද්‍යුත් ලිපිනයට චිත්‍රපට යොමු කළ හැකි අතර චිත්‍රපට එවීමේ දී නිර්මාණකරුවාගේ සම්පූර්ණ නම, සම්බන්ධ කරගත හැකි ආකාරය හා ඉදිරිපත් කිරීම පිළිබඳ කෙටි විස්තරයක් සඳහන් කළ යුතු ය.

 

ජයග්‍රාහකයින් ප්‍රකාශයට පත් කිරීම හා ජයග්‍රාහී නිර්මාණ ප්‍රදර්ශනය කිරීම 2021 අභිමානි චිත්‍රපට උලෙළේ දී සිදු කෙරේ.

 

චිත්‍රපට ඉදිරිපත් කිරීම සඳහා අවසාන දිනය ජුනි 30 වැනිදා යි.