හිමිනැති පෙමකට ඉකිබිඳ හැඬු කැමිලස් ජීවන ගීතය නිමා කරයි 

ප්‍රවීණ ගී පද රචක කැමිලස් පෙරේරා අභාවප්‍රාප්ත වී ඇත.

 

රෝගාතුරව සිටි ඒ මහතා වත්තල කල්‍යාණි මාවතේ පිහිටි නිවසේදී ඊයේ (17) දහවල් අභාවප්‍රාප්ත වී තිබේ.

 

මියයන විට ඔහු 74 වැනි වියේ පසුවිය.

 

දේහය වත්තල පෞද්ගලික අවමංගල්‍ය උත්සව ශාලාවක තැන්පත් කර ඇති අතර අවසන් කටයුතු අද (18) වත්තල කතෝලික පොදු සුසාන භූමියේදී සිදුකෙරේ.

 

80 දශකයේ ගීත රචනා කලාවට අවතීරණ වූ කැමිලස් පෙරේරා  උන්මාද වූ ප්‍රේමාදරේ, හිමිනැති පෙමකට, දේව මන්දිරේ, වාසනා වේවා, ආදර ප්‍රිය ලඳුනේ, මට මුළු ලොව ලොවම ඔබයි, හදවිලේ ඔබ පිපුණා….. ආදි සදා මතකයේ රැඳෙන ගීත රැසක හිමිකරුවායි.