ජනාධිපති ගෝඨාභය රාජපක්ෂට හිතවත් 'වියත්මඟ' සංවිධානයේ පිරිසක් ශ්‍රී ලංකා නිදහස් පොදුජන සන්ධානයේ සාමාජිකත්වය දරන කිසිඳු පක්ෂයක සාමාජිකත්වය නොගෙන ඉදිරි මහ මැතිවරණයේදී අපේක්ෂකයින් ලෙස ඉදිරිපත්වීමට බලාපොරොත්තුවෙන් සිටීම පිළිබඳව එම සන්ධානයේ පක්ෂ නායකයින් අතර විරෝධයක් මතුව ඇතයි 'අනිද්දා' පුවත්පත වාර්තා කරයි.
විශ්ව විද්‍යාල ආචාර්යවරුන්, වෘත්තිකයින් හා හිටපු හමුදා නිලධාරීන් පිරිසක් මෙලෙස මහ මැතිවරණයට ඉදිරිපත්වීමට බලාපොරොත්තුව සිටින බවත්, ආචාර්ය නාලක ගොඩහේවා, මිලින්ද රාජපක්ෂ, අජිත් නිවාඩ් කබ්රාල් හා ආචාර්ය චරිත හේරත් ඒ පිරිස අතර සිටිති.
එම අපේක්ෂකයින් ජනාධිපතිවරයාගේ සෘජු මැදිහත්වීමෙන් දේශපාලනඥයින්ට පරිබාහිර වියතුන් පිරිසක් ලෙස හඳුන්වා ප්‍රවර්ධනය කිරීමට කටයුතු යොදා ඇතැයි ද එම පුවත් වාර්තාවේ සඳහන්වේ.
සෑම දිස්ත්‍රීක්කයකටම එලෙස වියතුන් දෙදෙනා බැගින් ඉදිරිපත්වීමට බලාපොරොත්තුවන බව theleader.lk දෙසැම්බර් 08දා වාර්තා කළේය.
සබැඳි පුවත් :
''ජනපතිට හයිය දෙන්න අලුත් පිරිසක් මැතිසබයට පත්කරන්න'' - ගෝලීය ශ්‍රී ලංකා සංසදය
ඇමතිවරු පරන පාරේ යන්න ගිය ගමනක් ජනපති අනින් නවතී! (VIDEO)
චරිත හේරත් ලේක්හවුසිය බාර නොගෙන කුරුණෑගලින් මහ ඡන්දයට!
මහ ඡන්දය : සෑම දිස්ත්‍රීකයකටම 'වියත්මඟ' දෙදෙනෙක්! - ජනාධිපතිට හයිය දෙන්න තරුණ ජාලයක්!!
