අගමැති මහින්ද රාජපක්ෂ කැඳවා ඇති සාකච්ඡාවට එක්සත් ජාතික පක්ෂය සහභාගී වන බවත්, එහිදී පාර්ලිමේන්තුව කැඳවීමේ අවශ්‍යතාවය ආණ්ඩුව වෙත තීරණාත්මක ලෙස පැහැදිළි කිරීමට බලාපොරොත්තු වන බවත්

එක්සත් ජාතික පක්ෂයේ ලේකම් අකිල විරාජ් කාරියවසම් 'අනිද්දා ඊ පුවත් (anidda.lk) වෙබ් අඩවියට පවසා ඇත.

එම පුවත් වාර්තාවේ මෙසේද සඳහන් වේ.

''මැයි 04 වැනිදා අගමැති මහින්ද රාජපක්ෂගේ ප්‍රධානත්වයෙන් පැවැත්වෙන රැස්වීමකට විසුරුවාහරින ලද පාර්ලිමේන්තුවේ සියලූ දේශපාලන පක්ෂවල නියෝජිතයන්ට ආරාධනා කර ඇත. 

මේ වන විට සමගි ජන බලවේගය සහ ජනතා විමුක්ති පෙරමුණ තම පක්ෂවල සාමාජිකත්වය දරන හිටපු පාර්ලිමේන්තුවේ නියෝජිතයන් එම රැස්වීමට සහභාගී නොවන බව ප්‍රකාශ කර තිබේ.


''එම රැස්වීමට සහභාගී නොවීමට හේතුවක් ඇතැයි තම පක්ෂය කල්පනා නොකරන බව පවසන එජාප ලේකම්වරයා,  එම රැස්වීමට සහභාගී වීමෙන් ආණ්ඩුව සිදුකරන සියළු කටයුතුවලට සහාය දැක්වෙන බවක් හැඟවෙන්නේ නැති බව ද කියා සිටියි.''

එම රැස්වීමට සහභාගී නොවීමට හේතුවක් ඇතැයි තම පක්ෂය කල්පනා නොකරන බව ඔහු කී අතර, එම රැස්වීමට සහභාගී වීමෙන් ආණ්ඩුව සිදුකරන සියළු කටයුතුවලට සහාය දැක්වෙන බවක් හැඟවෙන්නේ නැති බව පැවසීය. 

රුපියල් 5000 දීමනාව සාධාරණ ලෙස ලබා නොදීම, ජාත්‍යන්තර තත්වය ඇතුළු කරුණු රැසක් පිළිබඳව එහිදී තම පක්ෂයේ අදහස් ප්‍රකාශ කිරීමට බලාපොරොත්තු වන බව ඔහු කීය.

 රජයේ දෙබිඩි පිළිවෙතට විරෝධය : සජිත්ගේ පක්ෂය නොයයි.

කෙසේවුවද මෙම රැස්වීම පිළිබඳව 'සමගි ජන බලවේගය' නිවේදනයක් නිකුත් කරමින් සඳහන් කර තිබුණේ පරණ පාර්ලිමේන්තුව කැඳවීම අනවශ්‍ය යැයි සමාජ මතයක් ආණ්ඩුව නිර්මාණය කරමින් සිටින බවත්, ජනාධිපතිවරයා ඒ බව ප්‍රකාශ කරමින් සිටින බවත් එවැනි පසුබිමක හිටපු පාර්ලිමේන්තුවේ නියෝජිතයන්ව කැඳවීමේ රජයේ දෙබිඩි පිළිවෙතට විරෝධය දක්වමින් එම රැස්වීමට සහභාගී නොවන බවත්ය. 

විපක්ෂයේ පක්ෂ ඒකාබද්ධව පාර්ලිමේන්තුව කැඳවන ලෙස ඉල්ලා ලිපියක් යවා ඇතත්, ජනාධිපතිවරයා එය නොසලකාහැර ඇති බවත් එම නිවේදනයෙන් සමගි ජන බලවේගය පෙන්වා දී ඇත. 

එවැනි පසුබිමක අගමැතිවරයා කරන කැඳවීමට ප්‍රතිචාර දැක්වීමට බලාපොරොත්තු නොවන බවත්, හිටපු කථානායකවරයාගේ ප්‍රධානත්වයෙන් නැවත පාර්ලිමේන්තුව කැඳවිය යුතු බවත් එම නිවේදනයෙන් පෙන්වාදී ඇත.


( තරිඳු උඩුවරගෙදර- anidda.lk)

සබැඳි පුවත් :

 

Follow Us

Image
Image
Image
Image
Image
Image

Exchange Rates

නවතම පුවත්