නිවාස නිරෝධායනයට ලක් කරමින්  සිටියදී ඊයේ දිනයේ කොරෝනා වෛරස් ආසාදිත රෝගියකු  හදුනා ගත්  කොළඹ 13 ප්‍රදේශයේ

පාසල් සම්බන්ධයෙන් සෞඛ්‍ය නිර්දේශයක් ලබාදෙන ලෙස දිවයිනේ ප්‍රමුඛතම ගුරු සංගමයක්  අධ්‍යාපන බලධාරීන්ගෙන් ඉල්ලා තිබේ.

ලංකා ගුරු සංගමයේ ප්‍රධාන ලේකම් ජෝසප් ස්ටාලින්ගේ අත්සනින් යුතුව ජුලි 3 සිකුරාදා බස්නාහිර පළාත් අධ්‍යාපන අමාත්‍යාංශයේ ලේකම් වෙත යොමු කර තිබෙන ලිපියකින් පෙන්වා දී ඇත්තේ කොළඹ 13 ජින්තුපිටිය ප්‍රදේශයෙන් ජුලි 2 දින කෝවිඞ් 19 අසාදිතයෙකු වාර්තා වී තිබූ අතර, ඔහු ඇසුරු කළ පවුල් ගණනාවක සාමාජිකයන් මේ වන විට නිරෝධායනයට යොමු කර ඇති බවයි.

වාර්තා වු රෝගියා මේ වන විට රෝහල් ගත කර ඇති අතර එම රෝගියාගේ ආශ්‍රිතයන් ලෙස හදුනාගත් 154 දෙනෙකුට ආසන්න පිරිසක් ජින්තුපිටිය ප්‍රදේශයෙන් ඉවත් කර නිරෝධායනයට යොමු කර ඇති බව රජය පවසයි.

''වාර්තා වු රෝගියා මේ වන විට රෝහල් ගත කර ඇති අතර එම රෝගියාගේ ආශ්‍රිතයන් ලෙස හදුනාගත් 154 දෙනෙකුට ආසන්න පිරිසක් ජින්තුපිටිය ප්‍රදේශයෙන් ඉවත් කර නිරෝධායනයට යොමු කර ඇති බව රජය පවසයි.''

මෙම ප්‍රදේශයේ ජීවත් වන දරුවන් බොහෝ දෙනෙකු කොටහේන අවට පාසල්වල ඉගෙනුම ලබන බව සිහිපත් කර දෙන ගුරු සංගම් නායක ජෝසප් ස්ටාලින්, බස්නාහිර පළාත් අධ්‍යාපන අමාත්‍යාංශයේ ලේකම් වෙත අවධාරණය කර  ඇත්තේ මේ වන විට දෙවන අදියර සඳහා ජූලි 6 දින පාසල් ආරම්භ වීමට නියමිතව ඇති බවයි.

“විවේකානන්ද ජාතික පාසල,  ශාන්ත ආනා විදුහල, ශාන්ත අන්තෝනි සිංහල විදුහල, ශාන්ත අන්තෝනි පිරිමි විදුහල, වුල්ෆැන්ඩල් බාලිකා විදුහල, හමීඞ් අල් හුසේනියා ජාතික පාසල, කොටහේන මධ්‍ය මහා විදුහල, මධ්‍යම කොළඹ හින්දු විදුහල, කොටහේන සිංහල කණිෂ්ඨ විදුහල, බදි-උද්දීන් මොහොමඞ් බාලික විදුහල යන පාසල් ජින්තු පිටිය අවට පාසල් වේ."

මේ තත්වය තුළ මෙම ප්‍රදේශයේ ඉහත පාසල් විවෘත කිරීම පෙර සෞඛ්‍ය අංශ වෙතින් නිර්දේශයක් ලබා ගන්නා ලෙස ලංකා ගුරු සංගමය බස්නාහිර පළාත් අධ්‍යාපන අමාත්‍යාංශයේ ලේකම්වරයාගෙන් වැඩි දුරටත් ඉල්ලා තිබේ.

 රජයේ ප්‍රවෘත්ති දෙපාර්තමේන්තුවේ අධ්‍යක්ෂ ජනරාල් නාලක කලුවැවගේ අත්සනින් යුතුව ජුලි 3 සිකුරාදා  නිකුත් කර තිබෙන නිවේදනයක සදහන්ව ඇත්තේ කොළඹ 13 , ජින්තුපිටිය ප්‍රදේශයෙන් වාර්තා වූ රෝගියාගෙන් කොවිඩ් 19 සමාජයට ව්‍යාප්ත වීමේ අවදානමක් නොමැති බව සෞඛ්‍ය සේවා අධ්‍යක්ෂ ජනරාල් විශේෂඥ වෛද්‍ය අනිල් ජාසිංහ විසින් තහවුරු කර ඇති බවයි.

logo

 Apekshakaya

subscribeYT

නවතම පුවත්