"අවුරුදු 19 දි අම්මා නැති වුණාට පස්සේ මගේ නංගිලා දෙන්නට අම්මා වුණේ මම. Dancing කරලා ලැබුණ salary එකෙන් තමයි මම ඒ දෙන්නට උගන්නලා උස් මහත් කලේ.
මගේ සම්පූර්ණ නම ලෝචනා හංසමාලි ජයකොඩි.
මම මුලින්ම පාසල් ගියේ කැස්බෑව ධර්මසේන ආටිකල් පාසලට. ඊට පස්සේ ඒ ලෙවල් කරන්න මම ගියා ගල්කිස්ස බෞද්ධ බාලිකා විද්යාලයට. පවුලෙ ඉන්නෙ මමයි නංගිලා දෙන්නයි තාත්තයි විතරයි.
කවදාවත් හිතුවෙ නෑ social media වලින් මේ වගේ තැනකට එන්න පුළුවන් වෙයි කියලා. මේක අහම්බෙන් සිදු වෙච්ච දෙයක්. ඒක ලොකු ආත්ම ගෞරවයක් තියන එකක්. ඇත්තටම දැන් මට මේ ගැන ආඩම්බරයි.
ඉස්සර මම socail media වල වැටෙන comment වලට හරි බයයි. හැබැයි දැන් එහෙම නෑ මම ඒක අත ඇරලා තියෙන්නේ.
දැන් මට වයස අවුරුදු 26 යි. මම දැන් වෘත්තියක් විදිහට ටික් ටොක් කරනවා.
මම අවුරුදු විසි තුනේදී වගේ තමයි ටික් ටොක් කරන්න ගත්තෙ. ඒ musically app එකෙන්.
මම lele pons ව follow කලා. මම එයා කරන youtube videos බැලුවා හරි ආසාවෙන්. මටත් හිතුණා එයා වගේ කෙනෙක් වෙන්න පුළුවන් නේද කියා ලංකාව ඇතුලේ.
මම ඉස්කෝලේ යන කාලේ ඕලෙවල් වලට කරේ drama. මට ඉස්කෝලේදි dancing කරන්න ආස වුණාට මාව තෝර ගත්තෙ නෑ මොකද මට මැන්ඬි ට ඉන්න බැරි වුණා. කරන්න දෙයක් නැතිම කමට මම drama කරන්න ගියා.
මම මිනිස්සුන්ට වඩා ගොඩක් ආදරේ සත්තුන්ට. මිනිස්සු එපා වෙලා නෙවෙයි ජීවිතේ වෙච්ච සමහර සිද්ධිත් එක්ක මිනිස්සුන්ට වඩා සත්තු මට ළං වුණා. මිනිස්සුන්ට වඩා මම සත්තුන්ගේ ගුණ දකිනවා.
මම ඒලෙවල් කරන කොට මගේ අම්මා නැති වුණා. එයාට ලෙඩක් හැදුනා. පෙනහලු නරක් වුණා. අම්මා අසනීප වුණ පළවෙනි දවසෙ ඉඳල මගේ පාසල් ගමන ටික ටික නවතිනවා.
මොකද මට හිටියේ නංගිලා දෙන්නෙක්. එයාලගේ හැම වගකීමක් ම අරගෙන කරේ මම. අම්මව බලා ගත්තෙත් මම. ඒ ලෙවල් කරන්න ඉස්කෝලෙකට ගියාට මට ඒ ලෙවල් කරන්න හම්බුනේ නෑ.
අම්මව දෙපාරක් පිලියන්දල ඉස්පිරිතාලෙ admit කරා. කලුබෝවිල ඉස්පිරිතාලෙ දෙපාරක් admit කරා. කොළඹ ජාතික රෝහලේත් admit කරල හිටියා. අන්තිමට අම්මව මාවනැල්ල ගමේ ඉස්පිරිතාලෙ admit කලා. මම කොළඹ wedding එකකට ඇවිල්ලා ආයෙත් මාවනැල්ලට ගියා. ඒ යනකොට අම්මා මාවනැල්ලේ hospital එකේ ඇඩ්මිට් කරලා.
එදා ඉඳන් මම අම්මා ගාව ම හිටියා ඒ හොස්පිට්ල් එකේ ම ඇඳුම් මාරු කරගෙන. අම්මා ඉපදුනෙත් මාවනැල්ල මාවනැල්ල හොස්පිට්ල් එකේ. අම්මා නැති වුණෙත් මාවනැල්ල hospital එකේ. මගේ ගාවමයි.
අම්මා නැති උනාම තාත්තා අපි ගැන බැලුවේ නෑ. මම කැමැති නෑ ඒ ගැන කියන්න මොකද ඔහු තාම ජීවතුන් අතර ඉන්න නිසා.
අම්මා නැති වුණාට පස්සේ මගේ පාසල් ගමන නතර වුණා. අම්මා නැති වුණාට පස්සේ මට එක දරාගන්න හරි අමාරු වුණා. ඒ නිසා ඉස්කෝලේ යන එක එහෙම්පිටින්ම නැවතුනා. අම්මා නැති වෙනකොට චූටි නංගිට අවුරුදු හයයි අනිත් නංගිට අවුරුදු නමයයි.
අම්මා නැති වුණාට පස්සේ මම dancing කරන්න ගියා. කණ්ඩායම් දෙක තුනක මම වැඩ කලා. wedding, event වලට නටන්න ගියා. ඒ වලින් ලැබෙන salry එකෙන් තමයි මම නංගිලා දෙන්නට ඉගැන්නුවේ. ඒ දෙන්නව බලාගත්තේ.
අම්මා නැති වුණාට පස්සේ මම තමයි ගෙදර අම්මා උනේ. අම්මා නැති වෙච්ච දවසෙ නර්ස් කෙනෙක් මට කතා කරලා කිව්වා ඔයා දැන් තමයි ගෙදර අම්මා කියලා. අපි ගිය ආත්මෙ කරපු අකුසල කර්මයක් නිසා වෙන්න ඇති අපිට මෙහෙම වෙන්න ඇත්තේ.
අම්මා නැති වුණාට පස්සේ අපිට හිටපු නෑදෑයොත් අපිව අතඇරියා.
හැබැයි අද ඒ අය මාව පිළිගන්නවා. එයාලගේ පාටියට, එයාලගේ මොනවා හරි දේකට මම එනවා කියන්න එයාලට හරි ලොකු දෙයක් දැන්. ඒත් ඉතින් මම එහෙම කරන්නේ නෑ මගේ නෑදෑයොන්ට සලකගෙන මම ඉන්නවා.
ඒ හැම දේම ඉවසගෙන, හැමදේම දරාගෙන, පවුලෙ හැම බරක්ම කරට අරගෙන මේ විදිහට කරන්න පුලුවන් වෙන්නේ අම්මා මගේ ළඟ ඉනන නිසා කියලා මට හිතෙනවා.
එකපාරක් මම ඉන්නවා කියපු අසභ්ය වීඩියෝ එකක් ලීක් වෙලා තිබුණා. ඒ වීඩියෝ එකේ හිටපු girl ගෙත් මගේ වගේම කොණ්ඩෙ කොටයි. ඒ ඉන්න මම කියලා තමයි හැමෝම මට මඩ ගැහුවේ.
මම ඒ වෙලාවේ cybercrime එකට ගියා. එයාලා මට කිව්වා මේක ඔයාගේ නෙමෙයි නං අපිට මේකට මුකුත් කරන්න බෑ කියලා. මේක ඔයාගේ නම් අපිට පියවරක් ගන්න පුළුවන් කිව්වා.
කොල්ලො ආතල් එකට මේ දේවල් කරනවා. ඒත් ඒකෙන් වන බලපෑම Suicide එකක් දක්වා අරගෙන යන්න පුළුවන්. මට එදා ඒ වෙලාවේ හිතුණා මගේ අම්මා නැති වුණේ හොඳ වෙලාවට කියලා. එයා හිටියා නම් මේ දේවල් බලනවා මේ දේවල් කියවනවා. එයාට මොන වගේ හැඟීමක් එයිද.
දැන් මේ දේවල් වලට මුහුණ දීලා ම හිත හයිය වෙලා තියෙන්නේ. මෙ ඊයේ පෙරේදාත් මගේ ෆොටෝ එකකට දාලා තිබුණ බඩුව කියලයි. මම ඉතින් reply කරා ඔයාටත් ඔයාගේ පවුලේ අයටත් තෙරුවන් සරණයි කියලා.
මම අවුරුදු 5 මාරක කාලයක් කෙනෙකුට ආදරය කරනවා. ඒත් යම් යම් හේතු නිසා එක මගදී නවතිනවා. මම ඔහු ගැන කතා කරන්නෙ වත් ඔහුට වෛර කරන්නේ වත් නෑ. මොකද හැම ආදර කතාවක්ම විවාහයකින් කෙලවර වෙන්නේ නැහැන්නේ.
මීට වසර දෙක හමාරකට කලින් මම ඔහු සමග විවාහ වෙනවා. යම් යම් හේතු මත ඒ විවාහය කැඩෙනවා.
අපි කාට හරි ආදරේ කරන්න ඕනේ අපි දවසක එයාව විවාහ කරගන්නවා කියන චේතනාවෙන්. දැන් කොල්ලෝ කෙල්ලෝ ආදරේ කරන්නෙ ආතල් එකට. ඒක ලොකු පවක්.
අද කාලේ සමාජ මාධ්ය භාවිතා කරන කොට ගොඩක් පරිස්සම් වෙන්න ඕන. දැන් අම්මල තාත්තලා පවා ළමයින්ට බත් කවන්නත් ෆෝන් එක අතට දෙනවා. අඩුම තරමේ අම්මට තාත්තට පුළුවන් වෙන්න ඕනි ළමයට අවුරුදු 18, 19 ක් වෙනකම්වත් එයාගේ ෆෝන් එක බලන්න.
අද කාලේ ඉන්න අම්මලා තාත්තලා දන්නෑ තමන්ගේ දුවගේ වීඩියෝ එකක් ලීක් වෙනකල්. සමහරවිට අම්ම ඉන්න whatsapp group එකට තමන්ගෙ දුවගෙ නිරුවත් වීඩියෝ එක එනවා ඇති.
ආර්ථික වශයෙන් ශක්තිමත් වීම කාන්තාවකට ගොඩක් වැදගත්. ආර්ථිකය ශක්තිමත් වන තරමට තමයි සමාජයෙන් අපට පිළිගැනීමක් තියෙන්නේ.
කාන්තාවක් නිසි වයසෙදි විවාහ වෙන්න ඕන දරුවන් හදන්න ඕනේ. ඒ දේවලුත් මම දවසක කරගන්නවා මට තාම වයස තියෙනවා.
මම මගේ නංගිලා දෙන්නට අම්මා නැති අඩුව දැනෙන්න දෙන්නෙ නෑ. මේ බලා ගත්තා වගේ ඉස්සරහටත් ඒ දෙන්නා මම බලා ගන්නවා.
( Ladies Only - හර්ෂි රූපසිංහ අන්තර්ජාලයෙන්)
THE LEADER TV
මහා විනාශයක් අතළඟ : දැන්වත් කියන දේ අහන්න
තිස්ස කුට්ටිගේ ටයර් කැපිල්ල - තිස්සගේම වැඩක්?