යොහානිට පසු රාජපක්ෂ පවුලේ දෙන්නෙක් - කිංබානට් 

යොහානි ද සිල්වා ගෙන් පසු ශ්‍රී ලංකා නාමය ජාත්‍යන්තර තලයේ බැබළ වූ නිරූපමා රාජපක්ෂ නඩේසන් හා තිරුකුමාර් නඩේසන් යුවළට මාගේ ආචාරය...! -කිංබානට්

 

 

 

 

 

කිංබානට් එවැනි සටහනක් පළකර ඇත්තේ, රාජපක්ෂ පවුලේ දෙන්නෙක් ලංකාවේ නම ජාත්‍යන්තරයට ගෙනයාමේ සිද්ධිය පාදකකර ගනිමිනි.

  

ජනපති, අගමැති ඥාති දියණි නිරූපමා රාජපක්ෂ සහ ඇගේ සැමියා වන තිරුකුමාර් නඩේසන් අතිශය සුඛෝපභෝගී ජීවිතයක් ගත කිරීම සඳහා ව්‍යාජ සමාගමක් ඔස්සේ රැස්කළ ධන සම්භාරයක් යොදාගත් බව ලෝකයේ දැවැන්තම මාධ්‍ය ගවේෂණයකින් හෙළිව තිබේ. 

 

 

 

මෙම සිද්ධියට අදාල පුවත අද මාධ්‍ය හරහා ආන්දෝලනයට ලක්වෙමින් තිබියදී ඊට වහාම ප්‍රතිචාර දක්වා ඇති උග්‍ර බැසිල්වාදියකු වන පුවත්පත් මණ්ඩල සභාපති මහින්ද පතිරණ සිය ෆේස්බුක් පිටුවේ මෙවැනි සටහනක් පළකර තිබේ.

 

 

 

 

මහින්ද රාජපක්ෂ මහතාගේ බාප්පාගේ දියණියක් වන නිරූපමා රාජපක්ෂ 2015 කලින් දැරී නියෝජ්‍ය ඇමතිකමින් පසු කිසි දිනක ඇය රාජපක්ෂවරු සමග දේශපාලනය කර නැත. ස්වභාවික ඥාතිකම පමණක් තිබී ඇති අතර පසුගිය මහින්ද ආණ්ඩුව ඇයට වැදගැම්මකට නැති නියෝජ්‍ය ඇමතිකමක් පමණක් ලබා දීම මේ තත්වයට හේතු වී ඇති බව වාර්තා වේ. 

 

2015 වසරේ ඇයව ජනාධිපති සිරිසේන විසින් මුල්කිරිගල ශ්‍රිලනිප සංවිධායක ලෙස පත් කළේ ය. ඇගේ ව්‍යාපාරික සැමියා වන තිරුකුමාර් නඩේෂන් හා ඇයගේ නම් පසුගිය දා හෙළි වූ "පැන්ඩෝරා පත්‍ර" හෙවත් නීති විරෝධී මුදල් ගණුදෙනු සටහන්වල මතුව ඇති බව වාර්තා වේ. 

 

 

 

  

පුවත්පත් මණ්ඩල සභාපතිගේ සටහනට ප්‍රතිචාර දක්වමින් 'කලම්බෝ ටෙලිග්‍රාෆ්' සංස්කාරක, ජ්‍යෙෂ්ඨ මාධ්‍යවේදී උවිඳු කුරුකුලසූරිය සිය ෆේස්බුක් පිටුවේ මෙසේ සඳහන් කර තිබේ.