ඔහු සඳහන් කරන්නේ සමරවීර හිටපු ඇමතිවරයා විසින් රාජ්‍ය නිලධාරීන්, ජනතාව සහ රට නොමග යැවීමට කටයුතු කර ඇති බවයි.
කොරෝනා වසංගත තත්ත්වය හමුවේ රටත් ජනතාවත් මුහුණ දී සිටින අතිශයින් ම පීඩාකාරී අර්බුද මැද, අප්‍රේල් 30 දිනයෙන් ඔබ්බට රාජ්‍ය වියදම් අනුමත කිරීම ව්‍යවස්ථානුකූලව ක්‍රියාත්මක කිරීම සම්බන්ධයෙන් පැනනැගී ඇති බරපතල මුල්‍ය අර්බුදය විසඳා ගැනීම සඳහා වූ යෝජනා ඇතුලත් විශේෂ ලිපියක් හිටපු මුදල් අමාත්‍ය මංගල සමරවීර විසින් ජනාධිපති ගෝඨාභය රාජපක්ෂ වෙත පෙරේදා (අප්‍රේල් 28) පස්වරුවේ දී බාර දී තිබිණ.
ජනාධිපති, අග්‍රාමාත්‍ය ඇතුළු අමාත්‍ය මණ්ඩලය හා පාර්ලිමෙන්තු මැති ඇමතිවරු මෙන්ම භාණ්ඩාගාරයේ ලේකම් ඇතුළු රාජ්‍ය නිලධාරීන් සියලු දෙනා ජනරජයේ ආණ්ඩුක්‍රම ව්‍යවස්ථාව කඩ නොකර ආරක්ෂා කරන බවට ප්‍රතිඥා දී ඇති බවත් එය කඩ කරන ඔනෑම පුද්ගලයෙකු අභියාචනාධිකරණය විසින් වරදකරු කරනු ලැබු විට එම විධිවිධාන කඩකරමින් ක්‍රියා කරන කවර වූව ද තැනැත්තෙකු අභියාචනාධිකරණය විසින් වරදකරු කරනු ලැබූ විට :-
(ආ) අවුරුදු හතක් නොඉක්මවන කාලයක් සඳහා ප්‍රජා අයිතිය අහිමිවීමට යටත් වන අතර
(ආ) පවුලේ අයගේ ජීවිකා වෘත්තිය පවත්වාගෙන යාම පිණිස අවශ්‍යයයි අධිකරණ ආඥාවක් මගින් තීරණය කරනු ලබන දේපල හැර, ඔහුගේ චංචල සහ නිශ්චල දේපල රාජසන්තක වන්නේය.'' යයි ද හිටපු මුදල් අමාත්‍යවරයා සිය ලිපිය මගින් අවධාරණය කර ඇත.
කෙසේ නමුත් අලුත්ගමගේ හිටපු රාජ්‍ය ඇමතිවරයා පවසන්නේ, ජනාධිපතිවරයාට ඇති මුදල් බලතල පිළිබඳ ආණ්ඩුක්‍රම ව්‍යවස්ථාවේ පැහැදිලිව සඳහන් වන බවය.
එවන් තත්ත්වයක් යටතේ මංගල සමරවීර විසින් රට නොමග යැවීමට කටයුතු කර ඇති බවත්, ඒ ආකාරයේ අසත්‍ය චෝදනා සිදු කරන පුද්ගලයින්ට එරෙහිව නීතිය ක්‍රියාත්මක කළ යුතු බවත් මහින්දානන්ද අලුත්ගමගේ පවසයි.
ඔහු එබව සඳහන් කර සිටියේ, නාවලපිටිය නගරයේ විෂබීජහරණ වැඩසටහනට අනතුරුව මාධ්‍ය හමුවක් පවත්වමිනි.
වීඩියෝ
සබැඳි පුවත:
මංගලගෙන් ජනපතිට විශේෂ ලිපියක් : ප්‍රජා අයිතිය පවා අහිමිවිය හැකි 'මරාලයකින්' බේරීමට උපදෙසක්!