රජයේ වෛද්‍ය නිලධාරීන්ගේ සංගමය සඳහන් කරයි.
තම සංගමයේ නිල නාමය, නිල ලාංඡනය සහ ලිපි ශීර්ෂය අවභාවිතා කරමින් සමාජ ජාලා හරහා බෙදාහැරුණු ව්‍යාජ ලේඛන කිහිපයක් සම්බන්ධයෙන්, පොලිස්පතිට සහ අපරාධ පරීක්‍ෂණ දෙපාර්තමේන්තුවට පැමිණිල්ලක් ඉදිරිපත් කරන ලද බවත්, ඒ සම්බන්ධයෙන් පෙරේදා (21) දිනයේ අපරාධ පරීක්‍ෂණ දෙපාර්තමේන්තුවට ප්‍රකාශයක්ද ලබාදෙන ලද බවත් රජය වෛද්‍ය නිලධාරීන්ගේ සංගමයේ මාධ්‍ය ප්‍රකාශක වෛද්‍ය චමිල් විජේසිංහ පැවසීය.
සැකකරුවන් සොයා නීතිය ක්‍රියාත්මක කරන ලෙස පොලිසියෙන් ඉල්ලා ඇති බවත් තම සංගමය ද මේ පිළිබඳව දැඩි අවධානයකින් පසුවන බව හෙතෙම අවධාරණය කළේ ය.
රජයේ වෛද්‍ය නිලධාරීන්ගේ සංගමයේ කීර්ති නාමයට අපහාස වන අන්දමින් ව්‍යාජ අන්තර්ගතයන් ඇතුළත් සමාජ මාධ්‍ය සබැඳීන් පළවූ පළමු අවස්ථාව මෙය නොවන බවත් අනුරාධපුර රෝහලේ වෛද්‍යවරියක් හා සම්බන්ධ සිදුවීමේදී ද මෙලෙස ව්‍යාජ ලිපි හුවමාරූ වූ බව ඔහු කීවේය.
මෙම ව්‍යාජ ලිපි සැකසූවේ, එක ම කණ්ඩායම ද යන්න පිළිබඳව විමර්ශන කණ්ඩායම්වල අවධානය යොමු කළ බව වෛද්‍යවරයා වැඩිදුරට ත් සඳහන් කළේ ය.
( mawbima | රවිශාන් ප්‍රනාන්දු)
