එම පැමිණිල්ලට අනුව පසුගිය ජූලි නමවන දින සභා නායක බිමල් රත්නායක: ශානි අබේවික්‍රම සහ රවී සෙනවිරත්න එම තනතුරුවලට පත් කළේ කාදිනල්තුමාගේ ඉල්ලීම මත යැයි පාර්ලිමේන්තුවේ දී ප්‍රකාශයක් කර ඇත.
නමුත් සිරිල් ගාමිණි පියතුමා පවසා ඇත්තේ කාදිනල්තුමා ඒබඳු ප්‍රකාශයක් කර නොමැති බවයි.
වැල්ලම්පිටියේ සුමන ධම්ම හිමි විමසා සිටින්නේ අමාත්‍ය බිමල් රත්නායක බොරු කියනවා ද, කාදිනල්තුමා බොරු කියනවා ද කියා ජනතාව දැනුවත් කරන ලෙස යි.
කන්ටේනර් ඉවත් කර ගැනිම සඳහා අණ දී තිබෙන්නේ ද බිමල් අමාත්‍යවරයා බවත්, වවුනියාව ගුවන් හමුදා කඳවුර ඉවත් කිරීම සඳහා මූලික වී ඇත්තේ ද බිමල් රත්නායක අමාත්‍යවරයා යැයි සුමන ධම්ම හිමි පවසයි.
වැඩි දුරටක් කරුණු දක්වන සුමන ධම්ම හිමි පවසන්නේ මෙබඳු ප්‍රකාශ තුළින් ආගම් අතර මතබේද ඇති වන බැවින් කතෝලික ජනතාවගෙන්, ආගමික නායකයින්ගෙන් සමාව ගන්නැයි බිමල් රත්නායක අමාත්‍යවරයාගෙන් ඉල්ලා සිටින බව යි.
