දේශපාලනීකරණය කිරීමට විරුද්ධ හෙට දින (අගෝ. 6) පැවැත්වීමට නියමිත උද්ඝෝෂණයක් සම්බන්ධයෙන් වෛරය සහ ප්‍රචණ්ඩකාරී උසිගැන්වීම් සිදු වෙමින් පවතින්නේ යැයි ‘දිනණ දකුණ’ නිවේදනයක් නිකුත් කරමින් සඳහන් කරයි.
දිනන දකුණ - දක්ෂිණාංශික දේශපාලනය ප්‍රතිස්ථාපනය කිරීමේ සාමූහිකය සඳහන් කරන්නේ ප්‍රජාතන්ත්‍රවාදීව විරෝධය දැක්වීම මුලික අයිතිවාසිකමක් බවත්, එම අයිතිය තහවුරු කිරීම රාජ්‍යය සතු වගකීමක් බවත්, එබැවින් සාමකාමී විරෝධතාවයකට සැලසුම් සහගත ලෙස ‘වෛරය හා ප්‍රචණ්ඩකාරී උසිගැන්වීම් සිදු කිරීම’ දිනණ දකුණ දැඩිව හෙළා දකින බව එම සංවිධානය පවසයි.
තව ද, යොවුන් සමාජ පිහිටුවීමේ දී විවිධ දේශපාලන මතවාද නියෝජනය කරන තරුණයින් ඒවායේ ක්‍රියාකාරී ලෙස සහභාගීවීම දශක හතරකට වැඩි කලක් මේ සමාජය බුක්ති විඳි ප්‍රජාතන්ත්‍රවාදී නායකයින් බිහි කිරීමේ ව්‍යවපාරයක් බවත්, මෙවර යොවුන් සමාජ පිහිටුවීමේ ක්‍රියාවලිය ආණ්ඩු පක්ෂයේ දේශපාලන ව්‍යාපෘතියක් බවට පත්වී ඇති බව පැහැදිලිව හඳුනා ගත හැකි බව ද ඔවුන් සඳහන් කරයි.
දේශපාලනිකව සහ තරුණ ක්‍රියාකාරීන් සඳහා බාධා කිරීමේ අමිහිරි ඇත්දැකීම් දශක පහකට වැඩි කලක් අප රට විද ඇති බවත්, උතුරේ ද, දකුණේ ද කැරළි බවට පත්වූයේ අදහස් ප්‍රකාශ කිරීමේ නිදහස, විරෝධතා දැක්වීම සඳහා වන අයිතිය අහිමි කිරීමේ ප්‍රජාතන්ත්‍ර විරෝධී භාවිතය යයි ද සඳහන් කරන එම සංවිධානය නිදහස් පුරවැසියන්ට විරෝධතා පැවැත්වීමට ඇති අයිතියට ගරු කර කටයුතු කරන ලෙස රජයෙනුත්, ආරක්ෂක අංශ වෙතින් ද ඉල්ලා සිටී.
මතු පළ වන්නේ දිනන දකුණ - දක්ෂිණාංශික දේශපාලනය ප්‍රතිස්ථාපනය කිරීමේ සාමූහිකය නිකුත් කර ඇති සම්පූර්ණ මාධ්‍ය නිවේදනය යි.
