ඒ ස්ථාන මාරුවීම් ලැබූ තම සාමාජිකයන් පස් දෙනෙකුට රෝහලේ පැමිණිමේ ලේඛනයේ අත්සන් කිරීමට රෝහල් අධ්‍යක්ෂවරයා ඉඩ නොදීමට විරෝධය පළ කරමිනි.
පරිපූරක වෛද්‍ය වෘත්තිකයන්ගේ ඒකාබද්ධ බල මණ්ඩලයේ ප්‍රධාන ලේකම් චානක ධර්මවික්‍රම සඳහන් කළේ, ස්ථාන මාරු ලබාදීමෙන් පැය 24 රාජකාරිය සිදු කිරීමට බාධා මතුව ඇති බවයි.
''බස්නාහිර පළාත් සභාවට අයත් රෝහල් 31ක ඊයේ දිනයේ ආරම්භ කිරීමට නියමිතව තිබූ වෘත්තීය ක්‍රියාමාර්ගය ඊයේ දිනය තුළ කිසිදු රෝහලක ස්ථාන මාරු නියෝග ක්‍රියාත්මක කරන ලෙස බලහත්කාරී ක්‍රියාවක් සිදු නොකිරීම හේතුවෙන් ආරම්භ නොකෙරුණු අතර අප පූර්ව ප්‍රකාශයේ සිදු කළපරිදිම ස්ථාන මාරු නියෝග බලහත්කාරී ලෙස සිදුකිරීමට උත්සාහ කරන ඕනෑම අවස්ථාවක වෘත්තීය ක්‍රියාමාර්ගය ආරම්භ කරන බව ප්‍රකාශයට පත් කරන ලද'' බවද ඔහු පැවසිය.
මෙම ගැටලුකාරී තත්ත්වය සම්බන්ධයෙන් කඩිනමින් මැදිහත් වන ලෙස සෞඛ්‍ය ඇමතිවරයාට සහ බස්නාහිර පළාත් ආණ්ඩුකාර වරයාට ඉල්ලීම් කළ අතර බස්නාහිර පළාත් සෞඛ්‍ය සේවා ආධ්‍යක්‍ෂවරියගේ ක්‍රියා කලාපය හේතුවෙන් පළාත තුල රෝහල්වල සේවා කටයුතු මේ ආකාරයෙන් බිඳ වැටීමට නියමිත බව අදාළ සියලු පාර්ශ්වයන් මේ වන විටත් දැනුවත් කොට ඇතැයි ද චානක ධර්මවික්‍රම කියා සිටියේය.
අද රාත්‍රියේ රැස්වීමට නියමිත සියලු වෘත්තීය සමිති නායකයන් සහ නියෝජිතයන් හෙට දිනයේ සිට සිදු කරන වෘත්තීය ක්‍රියාමාර්ගය පිළිබඳව තීරණය ගනු ඇතැයි ද ඔහු වැඩි දුරටත් පැවසිය.
ගම්පහ දිස්ත්‍රික් මහ රෝහලේ අධ්‍යක්ෂ වෛද්‍ය ඩී.එල් වනිගරත්න ගෙන් මේ සම්බන්ධයෙන් කළ විමසීමකදී ඔහු සඳහන් කළේ බස්නාහිර පළාත් සභාවෙන් යොමු කළ ස්ථාන මාරු ලේඛනය තමා විසින් ක්‍රියාත්මක කළ බවයි.
වැඩ වර්ජනය හේතුවෙන් රෝගීන්ට වන අපහසුතා මග හැරවීමට උපරිමයෙන් කටයුතු කරමින් සිටින බව ඔහු ප්‍රකාශ කළේය.
