ලංකාවට හිමි අභ්‍යවකාශ සිමාව ටෙන්ඩර් නැතිව සමාගමකට දීලා ද ?

ඇමති වසන්ත සමරසිංහ මේ බව පැවසුවේ ඊයේ (09) පැවති ජනහමුවක් අමතමිනි.

එහිදී ඔහු මෙසේද පැවසිය.

“අපි දැන් ඕගොල්ලන්ට මේ වැව හදන්න බන්ට් එක හදන්න ගොවි සංවිධානවලට දෙන්න බාධාවක් නෑ. වෙන කාටවත් දෙන්න පුළුවන්ද ? දෙනවා නම් කොහොමද දෙන්නෙ ? ටෙන්ඩර් කරන්න ඕනෙ. ලක්ෂ 20 දක්වා වගේ සමහර සීමාවන් තියෙනවා ටෙන්ඩර් නැතිව දෙන්න පුළුවන්. සාමාන්‍යයෙන් ලක්ෂ 50ක එකක් ආවොත් එහෙම ටෙන්ඩර් කරනවා. අපේ ස්පේස් එක, මේ අභ්‍යවකාශයේ තියෙන අපේ අයිතිය මේ සමාගමට දෙන්නෙ ටෙන්ඩර් දාලාද ? ටෙන්ඩර් දාලාත් නෑ. මේ රාජපක්ෂලා දීපු ගේම්, මං මේ කියන්නෙ. දැන් අර රොකට් මෑන් නෑ නේද ? ඉන්නවද ? ලංකාවෙ බිහිවෙච්ච පළවෙනි අභ්‍යවකාශ විද්‍යාඥයා, අභ්‍යවකාශගාමියා හැටියට තමයි මෙයා ඇවිල්ලා රොකට් සයන්ටිස්ට්, රොකට් පිළිබඳ විද්‍යාඥයා හැටියට තමයි කිව්වෙ. ආරංචියක් තියෙනවා මිනිහා කට උත්තරයක් දීලා තියෙනවාලු ගිහිල්ලා ‘මං දන්න රොකට් එකක් නෑ, මට කියන්න කියපුවා මම කිව්වෙ’ කියලා. ඒක හරිනෙ නේද ? මිනිහාත් රොකට් එකේම දාලා යවන්න තිබ්බෙ.

මං කිව්වෙ මේ රටේ ජනතාවට මේ මාතෘකා එන්නෙ නිකම් නෙවෙයි. ආණ්ඩුව රටේ වැඩකරන්න පටන් ගත්තාම ජනතාවගේ අවධානය ආපහු අරන් යනවා වෙන පැතිවලට. ඒ නිසා ඔයගොල්ලන්ගෙ අවධානය වැව් බන්ට් එක හදාගන්න ඉස්සෙල්ලා. වැව සුද්ද කරන්නත් තියෙනවා අපට ඉස්සරහට. අපට ඉස්සරහට තව වැඩ ගොඩක් තියෙනවා කරගෙන යන්න. ගම්වල පාරවල් ටික හදන්න අපි ප්‍රාදේශීය සභාවලට කියලා තියෙනවා. ලබන අවුරුද්දේ ප්‍රාදේශීය සභාවලට වාහන අරන් දෙන්න ආණ්ඩුව අපි සැලසුම් සකස් කරමින් යන්නෙ. අපි යෝජනා කරලා තියෙනවා දැන්”



''චන්ද්‍රිකාව තියන්නේ ශ්‍රී ලංකාවට හිමි කක්ෂීය සිමාවේ නොවේ' -  SupremeSAT කියයි

ආන්දෝලනයට ලක්ව ඇති SupremeSAT-1 චන්ද්‍රිකාව ශ්‍රී ලංකාවට හිමි කක්ෂීය ස්ථානයේ ඇතැයි ඇමති වසන්ත සමරසිංහ සඳහන් කල ද සුප්‍රීම්සැට් ආයතනය පවසන්නේ එය චන්ද්‍රිකාව ස්ථානගත කර ඇත්තේ ශ්‍රී ලංකාවට අයිති අභාවකාෂ සිමාවේ නොවන බවයි.

''ශ්‍රී ලංකාවේ කක්ෂීය ස්ථානය නැගෙනහිරින් අංශක 50 කි. අපි අංශක 87.5 ක් නැගෙනහිරින් සිටිමු.( Sri lanka's orbital slot is 50 Degrees East. we are on 87.5 Degrees East) '' යයි සුප්‍රීම් සැට් ප්‍රකාශයක සඳහන් වේ.

SupremeSAT-1 චන්ද්‍රිකාව 'අතුරුදන් වෙලා' ද?

2012 වසරේදී කක්ෂගත කළ බව කියන මෙම චන්ද්‍රිකාව 'අතුරුදන් වී ඇති' බවට එකල විපක්ෂයේ සිටි එක්සත් ජාතික පක්ෂය හා ජනතා විමුක්ති පෙරමුණ දිගින් දිගට ම චෝදනා කළ අතර, පසුගිය බ්‍රහස්පතින්දා අමාත්‍ය වසන්ත සමරසිංහ යලිත් වරක් පාර්ලිමේන්තුවේදී ඒ බව පැවසීය.

කෙසේ වෙතත්, අදාළ චන්ද්‍රිකාව කක්ෂගත වී ඇත්තේ කොහේ ද යන්න පිළිබඳව සුප්‍රීම්සැට් සමාගමේ සභාපති ආර්.එම්. මනිවන්නන් පසුගියදා මාධ්‍ය නිවේදනයක් නිකුත්කරමින් කියා සිටියේ, SupremeSAT-1 චන්ද්‍රිකාව 'මේ වන විටත් 87.5° නැගෙනහිර කක්ෂයේ නිවැරදිව සක්‍රීය ලෙස පවතින' අතර 'මූලික දියත් කිරීමේ සිට ම චන්ද්‍රිකාව විද්‍යානුකූලව ස්ථානගත කර ඇති බවයි.