හානිය වෙනුවෙන් අවුරුදක් ඇතුළත ඩොලර් කෝටි සීයක් ගෙවන්න කියල ශ්‍රේෂ්ඨාධිකරණය නෞකා සමාගමට නියෝග කළාට පස්සේ බොහෝ දෙනෙක් අහන ප්‍රශ්නයක් තියෙනව.
"දැන් නෞකා සමාගම නැහැ. ඉතින් වන්දි ගෙවන්නේ කවුද? වන්දි ගෙවන්නේ කොහොමද?"
ඕක තමයි ප්‍රශ්නය.
අධිකරණය මේ නියෝගය කළේ, නඩුවේ විත්තිකරුවෝ විදියට නම් කරල තිබුණ නෞකා සමාගම හා සම්බන්ධ සියලු දේශීය හා විදේශීය සමාගම්වලට. ඒ සියලු සමාගම් ඇතුළත් කරලා "X-Press Pearl Group" කියල කණ්ඩායමකුත් අධිකරණය නම් කරලා තියෙනව.
නෞකා සමාගම, අධිකරණය නම් කරපු මේ "X-Press Pearl Group" එකේ සාමාජිකයෙක් නෙවෙයි.
අනික 2021 මැයි මාසේ නෞකාව අනතුරට පත්වුණ අවස්ථාවේ ඉඳල නෞකාව ඇදගෙන යාම, සුන්බුන් ඉවත් කිරීම, වෙරළේ ප්ලාස්ටික් නර්ඩ්ල් එකතු කිරීම වගේම ධීවරයින්ට වන්දි ගෙවීම කළෙත් නෞකාවේ රක්ෂණ සමාගම සහ ITOPF ආයතනය විසින්.
ඒ නිසා දැන් නෞකා සමාගම නැති නිසා වන්දි ලබාගන්න ක්‍රමයක් නැහැයි කියන එක පදනමක් තියන තර්කයක් නෙවෙයි.
කිසියම් ලෙසකින් මේ වන්දිය නොගෙවා ඉන්න ලන්ඩන් මූලස්ථානය සහිත රක්ෂණ සමාගම, P&I Club, හෝ අදාළ වෙනත් සමාගමක් සැලසුම් කරනවා නම් එතෙන්දි ඔවුන්ට කරුණු කිහිපයක් සලකා බලන්න සිද්ද වෙනවා; එකක් තමයි නෞකාවේ දේශීය නියෝජිත Sea Consortium Lanka කියන්නේ ලංකාවේ සමාගමක්. එහි අධ්‍යක්ෂවරුත් ලංකාවේ පුරවැසියන්. ලංකාවේ පුරවැසියෙක් අධිකරණ තීන්දුවක් නොතකා හැරීම අධිකරණයට අපහාස කිරීමක්.
ඒ වගේම දැනට ලංකාවෙන් පිටවෙන්න තහනම් කරලා තියන නෞකාවේ කපිතාන්වරයා ගැනත් ඔවුන්ට කල්පනා කරන්න සිද්ද වෙනව.
කොහොම වුණත් මේ වන්දිය ගෙවන්න සිදුවීම නිසා රක්ෂණ වාරිකය ඉහළ යාමේ හැකියාවක් තියෙනව. ඒක ගොඩක් ඉහළ දැම්මොත් ලංකාවට ඒක අවාසියක් වෙන්න පුලුවන්.
ලංකාවේ අධිකරණය ඩොලර් කෝටි සීයකට වැඩි වන්දියක් නියම කළාට පස්සේ නීතිපති දෙපාර්තමේන්තුව සිංගප්පූරුවේ පවරලා තියන නඩුවට සිද්දවෙන්නේ මොකක්ද කියන එක තවත් ප්‍රශ්නයක්.
ඒ වගේම බ්‍රිතාන්‍ය අධිකරණයේ තීන්දුවකට විරුද්ධව නීතිපතිවරයා ඉදිරිපත් කරලා තියන අභියාචනයට වෙන්නේ මොකක්ද කියලත් මම, පරිසර යුක්ති කේන්ද්‍රයේ සම-නිර්මාතෘ ආචාර්ය රවීන්ද්‍රනාත් දාබරේ ගෙන් විමසීමක් කළා.
මේ වීඩියෝ පටයේ තියෙන්නේ ඔබෙත්, මගෙත් ප්‍රශ්නවලට ඔහු දෙන පිළිතුරු. නරඹල ඔබේ අදහසත් කියන්න.
(සටහන | සරෝජ් පතිරණ)
බීබීසී හිටපු ජ්‍යෙෂ්ඨ සම්පාදක
sarojpathi@gmail.com
(Saroj Pathirana ෆේස්බුක් පිටුවෙන්...)
2025 ජුලි 25
සම්පුර්ණ නඩු තීන්දුව මෙන්න
කොහොම වුණත් මේ වන්දිය ගෙවන්න සිදුවීම නිසා රක්ෂණ වාරිකය ඉහළ යාමේ හැකියාවක් තියෙනව. ඒක ගොඩක් ඉහළ දැම්මොත් ලංකාවට ඒක අවාසියක් වෙන්න පුලුවන්.
ලංකාවේ අධිකරණය ඩොලර් කෝටි සීයකට වැඩි වන්දියක් නියම කළාට පස්සේ නීතිපති දෙපාර්තමේන්තුව සිංගප්පූරුවේ පවරලා තියන නඩුවට සිද්දවෙන්නේ මොකක්ද කියන එක තවත් ප්‍රශ්නයක්.
ඒ වගේම බ්‍රිතාන්‍ය අධිකරණයේ තීන්දුවකට විරුද්ධව නීතිපතිවරයා ඉදිරිපත් කරලා තියන අභියාචනයට වෙන්නේ මොකක්ද කියලත් මම, පරිසර යුක්ති කේන්ද්‍රයේ සම-නිර්මාතෘ ආචාර්ය රවීන්ද්‍රනාත් දාබරේ ගෙන් විමසීමක් කළා.
මේ වීඩියෝ පටයේ තියෙන්නේ ඔබෙත්, මගෙත් ප්‍රශ්නවලට ඔහු දෙන පිළිතුරු. නරඹල ඔබේ අදහසත් කියන්න.
(සටහන | සරෝජ් පතිරණ)බීබීසී හිටපු ජ්‍යෙෂ්ඨ සම්පාදක
sarojpathi@gmail.com
(Saroj Pathirana ෆේස්බුක් පිටුවෙන්...)
2025 ජුලි 25
සම්පුර්ණ නඩු තීන්දුව මෙන්න
සබැඳි ලිපි :
Xpress Pearl නෞකාව ගිනි ගැනීම: නැව් සමාගම ඩොලර් බිලියනයක වන්දි මුදල නොගෙව්වොත් කළ හැක්කේ කුමක් ද?
X-Press Pearl: ව්‍යසනය වෙනුවෙන් ඩොලර් බිලියනයක් වන්දි ගෙවන මෙන් ශ්‍රේෂ්ඨාධිකරණය නැව් සමාගමට නියෝග කරයි
X-Press Pearl: ව්‍යසනය වෙනුවෙන් ඩොලර් බිලියනයක් වන්දි ගෙවන මෙන් ශ්‍රේෂ්ඨාධිකරණය නැව් සමාගමට නියෝග කරයි
