'රන්ජන් රෙකෝඩ්ස්' ගැන වික්‍රමබාහු කියන පුදුම කතාව (VIDEO)

හිටපු අමාත්‍යවරයකුගේ දුරකතන සංවාද ඔස්සේ ප්‍රසිද්ධියට පත් වී ඇති වැරදි හෙළි කරගත් ආකාරය

සොයනු වෙනුවට එම වැරදි වලට එරෙහිව ක්‍රියාමාර්ග ගැනීම සිදු කළ යුතු බව නව සම සමාජ පක්ෂ නායක ආචාර්ය වික්‍රමබාහු කරුණාරත්න පවසයි.

රන්ජන් රාමනායක මන්ත්‍රීවරයා විවිධ උපක්‍රම භාවිතා කරමින් සියලු තැන්හි දුෂණ අක්‍රමිකතා හෙළිදරව් කරගෙන ඇති බව පවසන නව සම සමාජ පක්ෂ නායකයා, එම හෙළිදරව් කිරිම් නිසා ඔහුට පහර එල්ල කිරීම දැඩිව හෙළාදකි.

“මේ රටේ ඉතාම පැහැදිලිව සිදුවන අක්‍රමිකතා පාර්ලිමේන්තුවේ වෙන්න පුලුවන්, අධිකරණයේ වෙන්න පුලුවන් වෙනත් තැනක වෙන්න පුලුවන්. වෙනත් සංවිධාන වල වුනත් ඒවා ගැන හොයා බලලා ඉතාම සුක්ෂම ක්‍රම වලින් ජනතාවට හෙළිදරව් කිරීමට රන්ජන් රාමනායකට හැකි වුනා. අපි ස්තුති වන්ත වෙනවා ඒ වගේ රටේ තියන තත්ත්වය හෙළි කිරීමට දේශපාලන නායකයෙක් ඉදිරිපත් වෙලා වැඩි කටයුතු කිරීම.

එතුමාගේ ක්‍රියා පිළිවෙතේදී එතුමා නාට්‍ය කරන ස්වාභාවයට කවටකම් කරමින් නොයෙකුත් දේවල් කරමින් තමයි ඒවා ඉදිරිපත් කරන්නේ. ඒක එයාගේ ශෛලිය,” යැයි ආචාර්ය වික්‍රමබාහු කරුණාරත්න කියා සිටියේ පසුගිය 09 කොළඹ පැවති මාධ්‍ය හමුවකදීය.

වැරැද්ද හෙලිදරව් කිරීමට ගත් ක්‍රියාමාර්ග කුමක්ද යන්න සොයා බැලීමට වඩා වැරදි පෙන්වා දුන් පසුව වැරැද්ද නිවැරදි කළ යුත්තේ කෙසේ දැයි සොයා බැලීම වඩා වැදගත් වන බව නසසප නායකයා එහිදී පැවසිය.

සත්‍යතාවයක් හෙළිකිරිම නිසාවෙන් රන්ජන් රාමනායක හිටපු අමාත්‍යවරයා හට මුර බල්ලන් සේ කෑගැසීම කණාගාටුදායක තත්ත්වයක් බව ආචාර්ය වික්‍රමබාහු කරුණාරත්න වැඩි දුරටත් අවධාරණය කර සිටීයේය.