' දියුණු රටවල් එතනට ආවේ මැජික්වලින් නොව කැපවීම්වලින්' - මහින්ද සමරසිංහ  

ඕස්ට්‍රෙලියාවේ හා ස්විස් හි රාජ්‍ය තාන්ත්‍රික කටයුතු නිමවා1988 පළාත් සභා වලින් දේශපාලනයට පැමිණි මහින්ද සමරසිංහ අනතුරුව ආණ්ඩුවේ

මෙන්ම විපක්ෂ ප්‍රධාන සංවිධායකකම් හා කැබිනට් 05 ක් ඇතුළු ඇමතිධුර 07 ක් දැරුවේය. රටවල් 168 කට අදාළ අන්තර් පාර්ලිමේන්තු සංවිධානයේ මානව හිමිකම් කමිටුවේ ඡන්දයෙන් පත්වූ සභාපති ලෙස ද රටට ගෞරව ගෙනා ඔහුගේ ඇමෙරිකානු තානාපතිකම හරහා කල කී දේ නව වසරේ උදාවේ අපි කතා බහ කරමු.

ප්‍රශ්නය :
ඇමෙරිකානු තානාපති භූමිකාව තුළ කලකී දේ ගැන සෑහීමකට පත් වෙනවා ද..?

මහින්ද :
ඔව්.දේශපාලනයට වඩා රටට වැඩි සේවයක් කරන්න මම පාර කපා ගත්තා.

ප්‍රශ්නය :
මොකද්ද ඔබ අලුතෙන් කපා ගත්ත පාර....?

මහින්ද :
මගේ ජාත්‍යන්තර අත්දැකීම් හා සබදතා ඊට මුල් වුණා. පහුගිය ඡන්දෙන් දිනලත් වසර 30 ක මගේ අත්දැකීම් වලින් පාළකයො වැඩ ගත්තෙ නෑ. හිටපු ජනපති ගෝටාභය මට ආරාධනා කලා මේ තානාපතිකමට. ලෝකයේ බලවත්ම රටේ ලංකාවෙ නියෝජිතයා ලෙස විශාල සේවයක් කලහැකි නිසා මම වැඩේ බාරගත්තා. හිතුවටත් වඩා වැඩි දෙයක් මම කලා.

ප්‍රශ්නය :
කඩා වැටුණු ලංකා ආර්ථිකය නගා හිටුවන්න ඔබ දැක්වූ දායකත්වය කුමක්ද...?

මහින්ද :
මම උසස් අධ්‍යාපනය ලැබුවෙ හා වෘත්තියෙන් ආර්ථික ක්ෂ්‍රේත්‍රයේ අත්දැකීම් ඇති කෙනෙක්. ඒ මත පදනම්වයි මම ඇමෙරිකාවෙදි ක්‍රියා කළේ.

ලංකාවට ආර්ථික ලෙස ජාත්‍යන්තර පිළිගැනීමක් ලබන්න නම් IMF වැනි ලොව පිළිගත් සංවිධාන සමග වැඩ කළ යුතු වෙනවා. හිටපු ජනපතිගෙ උපදෙස් මත එහි ප්‍රධානි එක්ක මම කතා කරල ලංකාවට ඇති අභියෝග පැහැදිලි කලා. IMF දෙන්නෙක් ලංකාවට ගිහින් හිටපු ජනපති එක්ක කතාකලා. ඒ දෙන්නගෙන් කෙනෙක් අද ද: කොරියාවෙ මහබැංකු අධිපතියි.

දින 2 - 3කින් IMF වැඩේට සූදානම් බව හිටපු ජනපති IMF ට කිව්වා. ඒ වගේම ලංකාව තුළ දේශපාලනික තීන්දු ගන්න රනිල් ජනපතිතුමා කැපවුණේ නැතිනම් IMF මූල්‍ය සහාය හා පිලිගැනීම ලංකාවට ලැබෙන්නෙම නෑ.

ප්‍රශ්නය :
ඔබේ මැදිහත්වීමෙන් වෛද්‍ය හා සෙසු ක්ෂ්‍රේත්‍ර හරහා ලංකාවට ලබාදුන් ප්‍රතිලාභ මොනවාද?

මහින්ද :
ඩොලර් නැතිවීමෙන් ලංකාවේ විශාල බෙහෙක් හිගයක් ආවා. සෞඛ්‍ය අමාත්‍යාංශය විදේශ අමාත්‍යාංශය හරහා තානාපතිල දැනුවත් කලා ආධාර ලෙස බෙහෙත් ලබා දෙන්න කියලා. බෙහෙත් ලැයිස්තුත් එවා තිබුණා.

මම ඇමෙරිකාවේ ආයතන ප්‍රධානීන්ට හා මට සබදතා ඇති අයට කරුණු පැහැදිලි කලා. ලංකාවට නොමිලේ බෙහෙත් දෙන්න ආයතන කිහිපයක් කැමති කර ගත්තා. කෙටි කාලයකින් ඩොලර් මිලි 53 ක ( රු කෝටි 1725 ) බෙහෙත් ලංකාවට යැවීමට හැකිවීම ගැන මම ඇතුළු වොෂින්ටන් එම්බසිය ආඩම්බර වෙනවා. පිළිකා හෘද මොළය ඇතුළු රෝග සදහා මිල අධිකම ඉහළම ප්‍රමිතියේ බෙහෙත් අපි යැවිවෙ. ප්‍රවාහන වියදම පවා ඇමෙරිකාවෙන් ලබා ගන්න අපට හැකිවුණා.

ප්‍රශ්නය :
ඔබේ මේ කටයුත්ත ලංකාවේ ඖෂධ මාෆියාවට හිසරදයක්. අභියෝග ආවෙ නැද්ද...?

මහින්ද :

ඇමෙරිකාවෙන් නොමිලේ බෙහෙත් හොයනවට වඩා අමාරු වුණේ සෞඛ්‍ය අමාත්‍යාංශයෙන්ම එවපු ලැයිස්තු වලට හොයපු බේත් වලට අනුමැතිය ගැනීමයි. මට ජනාදිපතිට පවා කීප වරක් කතා කරන්න වුණා. අවංක නිලධාරීන් උදව් කලා.

ප්‍රශ්නය :
බෙහෙත් වැඩිපුර එවන්නේ ඉන් ඔබටත් පුතිලාභ ලැබෙන නිසාද....නැතහොත් ඇමෙරිකානු ඖෂධ පරීක්ෂණ වල මීයන් බවට ලංකාවෙ අය පත් කරගෙන නිසාද..?

USAID පරිපාලක සමන්තා පවර්

US Aid එකෙන් ඩොලර් මිලියන 300 (රු කෝටි 9990) ක පමණ උදව් පසුගිය වසර 1 1/ 2 දි ලංකාවට ලැබුණා. මහ කන්නයට පොහොර ගත්තෙ ඒ හරහායි. DFC ආයතනය ඩොලර් බිලියනයක ( රු කෝටි තිස් දෙදහස් තුන්සියයක) විශාල මුල්‍ය පහසුකමක් ලංකාවට දුන්නා. කොළඔ බටහිර ජැටියට දුන් ඩො මිලි 553 ත් ඊට ඇතුලත්. ඒ ප්‍රධානියා එක්ක තව ආයෝජන රැසක් ලංකාවට ගේන්න කතා කරගෙන යනවා. තව ඇමෙරිකානු ආයතන හා සංවිධාන වලින් ලංකාවට විශාල උදව්  ලබා දෙන්න අපි මැදිහත් වුණා.

මහින්ද :

දේශපාලනයට වඩා වැඩි සේවයක් මෙවැනි තනතුරකින් කල හැකියි. මම එය ඔප්පු කල බව හුග දෙනෙක් කියනවා. එම සේවය තවදුරටත් රටට කරන්න මම සූදානම්. ඇමෙරිකාවේ රාජ්‍ය තාන්ත්‍රික සබදතා වඩාත් ගොඩනැගු නිසයි බොහෝ උදව් අද ලැබෙන්නේ. මෙක්සිකෝවෙත් වෙළෙඳ කටයුතු සඳහා ගිවිසුමක් අත්සන් කළා.