එල්.ටී.ටී.ඊ සංවිධානයේ නායකයාගේ උපන් දිනය පිළිබඳ පුවතක් සහ ඔහුගේ ඡායාරූපයක් තුන් වසරකට ඉහත දී පළ කිරීම සම්බන්ධයෙන් උතුරේ

පළවන ප්‍රමුඛ පෙලේ දෙමළ පුවත්පතක ප්‍රධාන කර්තෘවරයාගෙන් ත්‍රස්ත මර්දන හා විමර්ශන කොට්ඨාශය පුරා පැය හතරක කාලයක් ප්‍රශ්න කර තිබේ.

කොළඹ පිහිටි ත්‍රස්ත මර්දන හා විමර්ශන කොට්ඨාශයේ (CTID) ප්‍රධාන කාර්යාලයට නොවැම්බර් 27 වැනිදා කැදවා ඒ සම්බන්ධයෙන් ප්‍රශ්න කර ඇත්තේ උතුරේ දෛනිකව පළ කෙරෙන පුවත්පතක් වන උදයන් පුවත්පතේ ප්‍රධාන කර්තෘ තංගරාජා ප්‍රභාකරන්ගෙන්ය.

නොවැම්බර් 26 වැනිදාට යෙදී තිබෙන එල්.ටී.ටී.ඊ නායක වේලුපිල්ලේ ප්‍රභාකරන්ගේ උපන්දිනය සම්බන්ධයෙන් 2020 වසරේ නොවැම්බර් 26 ඡායාරූපයක් සහිතව පළ කල පුවත සම්බන්ධයෙන් ප්‍රශ්න කරමින් පොලිස් නිලධාරීන් දිගින් දිගටම විමසා ඇත්තේ එම ලිපිය ලියු තැනැත්තා කවුරුන් ද යන්න සහ ඒ මොහොතේ ප්‍රවත්පතේ ප්‍රධාන කර්තෘවරයා කවුද යන්නයි.

 උදයන් පුවත්පතට එම වාර්තාව ලියු මාධ්‍යවේදියාගේ අනන්‍යතාව හෙළි කිරීමට තමන්ට නොහැකි බව පවසමින් කර්තෘ තංගරාජා ප්‍රභාකරන්ගෙන් එහිදී අවධාරණය කර ඇත්තේ වාර්තාකරුවන්ගේ රහස්‍යභාවය ආරක්ෂා කිරීම සිය ආයතනයේ මුලික ප්‍රතිපත්තියක් වන අතර එවැනි තොරතුරු හෙළි කළ හැක්කේ අධිකරණය මගින් එවැනි තොරතුරු ඉල්ලු අවස්ථාවකදී පමණක් බවයි.


එම කාලය වන විට උදයන් පුවත්පතට ප්‍රධාන කර්තෘවරයකු නොසිටිය බව කොළඹ පිහිටි ත්‍රස්ත මර්දන හා විමර්ශන කොට්ඨාශයේ නිලධාරීන්ට දැනුම් දුන් කර්තෘ තංගරාජා ප්‍රභාකරන් වැඩි දුරටත් සදහන් කර ඇත්තේ ඒ වන විට තමන් ඇතුළු මාධ්‍යවේදීන් සිව් දෙනකු උදයන් පුවත්පතේ උපදේශක කර්තෘවරුන් ලෙස කටයුතු කළ බවයි.

එල්.ටී.ටී.ඊ සංවිධානයේ නායකයාගේ උපන් දිනය පිළිබඳ පුවතක් සහ ඔහුගේ ඡායාරූපයක් තුන් වසරකට ඉහත දී පළ කිරීම සම්බන්ධයෙන් උදයන් පුවත්පතේ ප්‍රවෘත්ති සංස්කාරක සම්මානලාභී මාධ්‍යවේදී කේ. ඩිලීප් අමුදන්ගෙන් ද කොළඹ පිහිටි ත්‍රස්ත මර්දන හා විමර්ශන කොට්ඨාශයේ (CTID) ප්‍රධාන කාර්යාලයට කැදවා නොවැම්බර් 1 වැනිදා පැය හතරකට අධික කාලයක් ප්‍රශ්න කර තිබුනි.

 

Follow Us

Image
Image
Image
Image
Image
Image

නවතම පුවත්