ශ්‍රී ලංකාවේ ශබ්ද දුෂණය පිළිබදව පවතින නීති හා රෙගුලාසි සමාලෝචනය කර වාර්තාවක් ඉදිරිපත් කිරීම සදහා
අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍ය, ජනාධිපති නීතිඥ, ආචාර්ය විජයදාස රාජපක්ෂ විසින් පත් කළ කමිටුවේ වාර්තාව එහි සභාපති ශ්‍රේෂ්ඨාධිකරණ විනිසුරු මහින්ද සමයවර්ධන අධිකරණ අමාත්‍යතුමා වෙත භාර දී තිබේ.
මාස දෙකක් තුළ වාර්තාව සකස් කර ඇති අතර, ඒ අනුව කමිටුව විසින් ශබ්ද දූෂණය පිළිබඳ ජාත්‍යන්තර ප්‍රමිතීන් හොඳින් විශ්ලේෂණය කරමින් ශ්‍රී ලංකාවේ පවතින ශබ්ද දූෂණය පිළිබඳ නීතිමය රාමුවට වෙනස්කම් කිහිපයක් යෝජනා කර තිබේ.
ශබ්ද දූෂණයට නීතිමය ප්‍රතිචාරය වඩාත් ඵලදායී කිරීම සඳහා දණ්ඩ නීති සංග්‍රහය, මෝටර් රථ ප්‍රවාහන පනත සහ පොලිස් ආඥාපනත වැනි ප්‍රඥප්තිවලට බෙහෙවින් අවශ්‍ය සංශෝධන යෝජනා කරන ලදී.
බොහෝ විට අවධානයට ලක් නොවන ශබ්ද දූෂණ සිදුවීම් සඳහා ඔවුන්ගේ අයදුම්පත් පුළුල් කිරීමේ අරමුණින් ඇතැම් රෙගුලාසි සංශෝධනය කිරීමට යෝජනා කර ඇති අතර, ශ්‍රී ලංකාවේ ප්‍රජා ශබ්ද දූෂණය විසඳීම සඳහා ජාතික පාරිසරික පනත යටතේ නව රෙගුලාසි ප්‍රකාශයට පත් කිරීමට ද කමිටුව යෝජනා කර තිබේ. මීට අමතරව, ශබ්ද දූෂණය පිළිබඳ පැමිණිලි සම්බන්ධයෙන් කටයුතු කිරීමට පොලිසිය බලගැන්වීමේ අරමුණින්, ඒ සම්බන්ධයෙන් පවතින පොලිස් චක්‍රලේඛවලට යම් යම් සංශෝධන යෝජනා කරන ලදී.
අතිරේක සොලිසිටර් ජනරාල් ජනාධිපති නීතිඥ, පාරින්ද රණසිංහ, අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍යාංශයේ අතිරේක ලේකම් ( නීති) නීතිඥ,පියුමන්ති පීරිස්, පරිසර අමාත්‍යාංශයේ අතිරේක ලේකම් පත්මා අබේකෝන්, මධ්‍යම පරිසර අධිකාරියේ අධ්‍යක්ෂ ජනරාල් හේමන්ත ජයසිංහ, මධ්‍යම පරිසර අධිකාරියේ නියෝජ්‍ය අධ්‍යක්ෂ ජනරාල්, ආචාර්ය සංජය රත්නායක, මධ්‍යම පරිසර අධිකාරියේ අධ්‍යක්ෂ, කමල් ප්‍රියන්ත, අතිරේක නීති සම්පාදක නීතිඥ,ලෝචනා ජී. පුංචිහේවා, නියෝජ්‍ය පොලිස්පති ( නීති) නීතිඥ,රුවන් ගුණසේකර, ආචාර්ය රවින්ද්‍රනාත් දාබරේ, නීතිඥ චතුරිකා විජේසිංහ, අධිකරණ, බන්ධනාගාර කටයුතු හා ආණ්ඩුක්‍රම ව්‍යවස්ථා ප්‍රතිසංස්කරණ අමාත්‍යාංශයේ සහකාර ලේකම් ( නීති) නීතිඥ,ජලාශි ලොකුනාරංගොඩ, සහ ඉෂාන් කුරුවිටආරච්චි කමිටුව නියෝජනය කරන ලද සෙසු සාමාජිකයන් වේ.
(චතුරංග මේදිස්)
