ශ්රී ලංකා කාන්තා ක්රිකට් නායක චමරි අතපත්තු නැවතත් එක්දින කාන්තා පිතිකරු ශ්රේණිගතකිරීමේ පෙරමුණට පැමිණ තිබේ.
අන්තර්ජාතික ක්රිකට් සභාව ඊයේ (22) කළ යාවත්කාලීන කිරීමට අනුව චමරි අතපත්තු ප්රසාද ලකුණු 773 ක් හිමිකරගෙන ශ්රේණිගත කිරීමේ පළමු ස්ථානයට පැමිණියාය.
දකුණු අප්රිකාවට එරෙහි එක්දින ක්රිකට් තරගාවලියේදී දැක්වූ දක්ෂතා හේතුවෙන් චමරි අතපත්තු මෙලෙස ශ්රේණිගතකිරීම්හි පෙරමුණට පැමිණ ඇත.
ඇය එම තරගාවලියේ තුන් වැනි එක්දින තරගයේදී නොදැවී ලකුණු 195ක් රැස් කළේ, කණ්ඩායම ජයග්රහණය කරා මෙහෙයවමින්.
චමරි පසුගිය වසරේ ජූලි මාසයේදීද අන්තර්ජාතික එක්දින කාන්තා පිතිකරු ශ්රේණිගතකිරීම්හි පෙරමුණේ රැඳී සිටියා ය.
චමරි මේ වන විට එක්දින ජාත්යන්තර තරග 101 කදී ශතක 9 ක් සහ අර්ධ ශතක 16 ක් සමගින් ලකුණු 3,513 ක් රැස්කිරීමට සමත්ව සිටින්නීය.
එංගලන්ත පිතිකාරී නතාලි සීවර් ප්රසාද ලකුණු 764 ක් ලබා දෙවැනි ස්ථානයේ ද, දකුණු අප්රිකානු පිතිකාරී ලයුරා වොල්වාර්ඩ්ට් ප්රසාද ලකුණු 718 ක් ලබා තෙවැනි ස්ථානයේ ද, පසුවෙති.
සබැඳි පුවත් :
චමරි ජාත්යන්තර ක්රිකට් පිටියෙන් සමුගනී ද?
ශ්රී ලංකා කාන්තා ක්රිකට් පිලේ සුපිරි හඹා යෑම සහ චමරීගේ අද්විතීය පිතිකරණය