ඔලිම්පික් උළෙල ආසන්න වෙද්දී පැරිසියට නිමක් නැති අභියෝග

පසුගිය මාස කිහිපය තුළ එහි සංවිධාන කටයුතු කඩා වැටී සෑම දෙයක්ම නරක අතට හැරී තිබෙන බව මේ ජනතාව කියනවා.

ඔලිම්පික් උළෙල ආරම්භය ආසන්න වෙමින් තිබියදී එහි ආරක්ෂාව, සෙන් ගංගාවේ ජලාපවහන පද්ධතියට තවමත් නොකෙරුනු  පිළියම සහ ඉරිතලා යන ප්‍රවාහන ජාලය සම්බන්ධයෙන් දැඩි සැලකිල්ලක් යොමුව තිබෙනවා. මේ අතර, පැරිසියේ වීදිවලින් සංක්‍රමිකයන් හා නිවෙස් නැති පුද්ගලයින් ඉවත් කරමින්, ඔවුන් අටවා ගෙන සිටින කූඩාරම් කඩා දමමින් බළධාරීන් සමාජ ශුද්ධ කිරීමක නිරතව සිටින්නේ දුප්පත්කම සැඟවීමට යබවට චෝදනා නැගෙනවා.

ප්‍රංශ ජනාධිපති එමැන්යුඅල් මැක්රොන්ගේ (Emmanuel Macron) සිහිනය මෙවැනි හේතු ගණනාවක් නිසා බරපතළ අනතුරකට ලක්ව තිබෙනවා.
එංගලන්තයේ අතිසාර්ථක 2012 ඔලිම්පික් ක්‍රීඩා උළෙලට වඩා දීප්තිමත්ව බැබලීමේ ප්‍රංශ ජනාධිපති එමැන්යුඅල් මැක්රොන්ගේ (Emmanuel Macron) සිහිනය මෙවැනි හේතු ගණනාවක් නිසා බරපතළ අනතුරකට ලක්ව තිබෙනවා.

අඩුවෙමින් තිබෙන තම ජනප්‍රියතාව ඔලිම්පික් දීප්තිය මගින් ඔසවා තැබීමේ දැඩි උවමනාවකින් මැක්රොන් පසුවනවා. පැරිසියේ පැවැත්වෙන්නේ 2012 ලන්ඩන්වලින් පසුව පළමු යුරෝපීය ඔලිම්පික් ක්‍රීඩා උළෙල බවට ඔහු හොඳින් අවබෝධ කරගෙන සිටිනවා.

 

පැරිස් අගනුවර ඔස්සේ යන පරිදි සෙන් ගංගාවේ පැවැත්වෙන නොමසුරු සමාරම්භක උත්සවය මත ප්‍රංශ නායකයා බොහෝ බලාපොරොත්තු තබා තිබෙනවා.

ක්‍රීඩක ක්‍රීඩිකාවන් 10,500ක් සහිත දිග බෝට්ටු 116ක්

තත්ත්වය මෙසේ තිබියදීත්, ජූලි 26 පැවැත්වෙන උත්සවය මහා විපත්තිදායක අනුවණ ක්‍රියාවක් බවට බොහෝ පැරිසියානුවන් බිය පළ කරනවා. ISIS ත්‍රස්තවාදීන් මේ සමාරම්භක උළෙල ඔවුන්ගේ මාරක ඉලක්කයක් කරගනු ඇතැයි ඔවුන් තුළ බියජනක සැකයක් මතුව තිබෙනවා.

 

 

මේ උත්සවය වටා යකඩයක් මෙන් ශක්තිමත් අතිවිශාල ආරක්ෂක වළල්ලක් යොදවන බවට ඔලිම්පික් බළධාරීන් පොරොන්දු වී තිබුනත් එය ප්‍රමාණවත් නොවනු ඇතැයි සෙන් ගංගා ඉවුරේ පොත් සාප්පුවක් පවත්වා ගෙන යන Luc Sirop පවසනවා.

“බෝට්ටු අපිව මෙතනින් පසුකර යාවි. ඒක හරිම භයානකයි”
පැරිස් නගරය මැද සෙන් ගංගාවේ පිහිටි දූපතක් වන Lie de La Cite අභිමුඛයෙහි වූ සංචාරක ආකර්ෂණ ස්ථානයේ වසර 25ක් තිස්සේ පොත් අලෙවි කරන 60 හැවිරිදි Luc, “බෝට්ටු අපිව මෙතනින් පසුකර යාවි. ඒක හරිම භයානකයි” යනුවෙන් කියනවා.

විස්මයට මෙන්, සංවිධායකයන්ට ඔලිම්පික් උළෙල වෙනුවෙන් තවත් ආරක්ෂක නිලධාරීන් 8,000ක අඩුවක් තිබෙන බවට වාර්තා වනවා. සෙන් නදියේ උත්සවයට අවශ්‍ය ආරක්ෂක භටයින් 1,400ක් ද මීට ඇතුළත්.

අහිංසක පුද්ගලයන් 145කට මරු කැඳවමින් රුසියාවේ මොස්කව් නුවර Crocus City Hall රංග ශාලාවට පසුගිය මාසයේ එල්ල වූ IS ත්‍රස්ත ප්‍රහාරයෙන් පසුව ප්‍රංශය සිටින්නේ ඉතාමත් සුපරීක්ෂාකාරීව.

පැය හතරක නාවික පෙළපාලිය නරඹන සෙනඟ 320,000 දක්වා භාගයකට අඩු කර තිබෙනවා.
සමාරම්භක උත්සවයේ අවිනිශ්චිතභාවය නිසා පැය හතරක නාවික පෙළපාලිය නරඹන සෙනඟ 320,000 දක්වා භාගයකට අඩු කර තිබෙනවා.

ආරක්ෂිත හේතුන් මත සෙන් ගංගාවේ ප්‍රදර්ශනාත්මක පෙළපාලිය අහෝසි කිරීමට බල කෙරුනොත් ‘බී’ හා ‘සී’ සැලසුම් ප්‍රංශය ට තිබෙන බව ජනාධිපති ප්‍රකාශ කර තිබෙනවා.

එය එසේ වුවහොත්, උත්සවය අයිෆල් කුළුනට ප්‍රතිවිරුද්ධව පිහිටි Trocadero හි පැවැත්වීමට ඉඩ තිබෙනවා.

ඔලිම්පික් උළෙලට පෙර සහ එම ක්‍රීඩා උළෙල පැවැත්වෙන අතරතුර සෙන් නදිය දිගේ තිබෙන ප්‍රදේශවලට හා ඔලිම්පික් තරග පැවැත්වෙන ස්ථාන වටා තිබෙන පෙදෙස්වලට ඇතුළු වීම පිණිස පැරිස් පදිංචිකරුවන් හා රියදුරන්ට QR කේතයක් අවශ්‍ය වනවා. සිවිල් නිදහස කැප කිරීමේදී ප්‍රංශය පමණට වඩා දුරකට ගොස් තිබෙන බව පැරිස්වාසී සමහරුන්ගේ මතය වී තිබෙනවා.

ඔලිම්පික් උළෙල වෙනුවෙන් අමුත්තන් මිලියන 15.3ක්, ක්‍රීඩක ක්‍රීඩිකාවන් 15,000ක් හා මාධ්‍යවේදීන් 34,000කගේ පැමිණීමක් පැරිසිය අපේක්ෂා කරයි

ඔලිම්පික් උළෙල වෙනුවෙන් අමුත්තන් මිලියන 15.3ක්, ක්‍රීඩක ක්‍රීඩිකාවන් 15,000ක් හා මාධ්‍යවේදීන් 34,000කගේ පැමිණීමක් පැරිසිය අපේක්ෂා කරන අතර මේ හේතුවෙන් නගරය අවහිර වනු ඇතැයි බොහෝ දෙනා කල්පනා කරනවා. 

නගරයේ ප්‍රවාහන පද්ධතිය සම්පූර්ණයෙන් පිරෙනු ඇති අතර මෙතරම් විශාල පුද්ගල සංඛ්‍යාවකට එය ඔරොත්තු නොදෙනු ඇතැයි පැවසෙනවා.

ජනයාගෙන් ගහණව පවතින පැරිසියේ වීදිවලින් බොහෝ ඈතට ගොස් ඔලිම්පික් උළෙල අවසන් වූ පසු නැවත නගරයට පැමිණීමට බොහෝ දෙනෙක් තීරණය කර තිබෙනවා.

වෘත්තීය සමිති ද ඔලිම්පික් උළෙල පැවැත්වෙන අතරතුර වැඩවර්ජනවල නිරත වන බවට තර්ජනය කර තිබෙන අතර විරෝධතාවන් හා ටැඩවර්ජනවලදී ප්‍රංශය යනු රන් පදක්කම්ලාභීන්.

සටහන :
(වර්නන් ගුණසේකර)
ජ්‍යෙෂ්ඨ මාධ්‍යවේදී
This email address is being protected from spambots. You need JavaScript enabled to view it.