ක්‍රීඩාවත්, ක්‍රීඩක ක්‍රීඩිකාවනුත් නඟා සිටුවන්නට විශේෂ ක්‍රීඩා අරමුදලක් ඇති කරන්න ක්‍රීඩා හා යෞවන කටයුතු අමාත්‍ය රොෂාන් රණසිංහ පියවරක් අරන්.
ඔබට විනෝදය නොඅඩුව ලබාදෙන ගමන් තමයි මේ අරමුදල තරකරන්න යන්නේ.
ඒ අනුව මේ මස 27, 28, 29 තෙදින පුරා දේශිය මෙන්ම විදේශිය ජනප්‍රිය තරු පිරිවරා ගනිමින් කොළඹ සුගතදාස ගෘහස්ථ ක්‍රීඩාපිටියේදී ප්‍රසංගයන් පෙළක් පැවැත්වීමට නියමිතයි.
මෙහි විශේෂත්වය වන්නේ, මෙම ප්‍රසංගයන්ගේ මුදල් ශ්‍රී ලංකා ක්‍රීඩා අරමුදලට එකතු වීමයි.
ඒ ක්‍රීඩා අරමුදල ශක්තිමත් කිරීමේ 1 Billion Goal හී ප්‍රථම අධියර වශයෙනුයි. 
1 Billion Goal හී ප්‍රථම අධියර ලෙස පැවැත්වන ප්‍රසංගයන් ත්‍රිත්වයේ පිළිවෙලින් පළමුවැන්න ලෙස Rise 2023 Music Fiesta නමින් ප්‍රවීන ගායන ශිල්පීන් හා ශිල්පිනීන් වන කසුන් කල්හාර, රූකාන්ත ගුණතිලක, රයිනි චාරුකා, Centigradz, කෙෂාන් ශශීන්ද්‍ර, රදේශ් වැන්දබෝනා සමඟින් Unity සංගීත කණ්ඩායම ගයන ප්‍රසංගය මේ මස 27 වන දා සවස 6.30 පැවැත්වීමට නියමිතයි.
දෙවනුව මේ මස 28 වන දා Mr & Miss Twin Sri Lanka 2023 Grand Finale තරඟය පැවැත්වෙනවා.
තෙවනුව ඉන්දියානු ප්‍රවීන ගායකශිල්පී ශංකර් මහාදේවන් සමඟින් ප්‍රියංකා, භාරත් හා පුන්‍යා ඇතුළු තවත් ඉන්දියානු කලාකරුවන් සහභාගී වන The Legend Shankar Mahadevan Live In Concert මේ මස 29 වන දා පැවැත්වීමට නියමිතයි.
ටිකට් පත් මිල දී ගැනීමට ....
මේ සියළුම ප්‍රසංගයන් සඳහා ටිකට් මිල දී ගැනීමේ පහසුකම සලසා තිබෙනවා.
ඒ අනුව 27 හා 28 යන දෙදිනයන් හී පැවැත්වෙන ප්‍රසංගයන් සඳහා Mytickets.lk වෙබ් අඩවිය වෙතින් ද 29 වන දා ප්‍රසංගය සඳහා ටිකට් පත් lk.bookmyshow.com වෙතින් අන්තර්ජාලය හරහා මිල දී ගැනීමේ පහසුකමෙන් සතුයි.
ඒ වගේම මේ සියලූ ප්‍රසංගයන් සඳහා ඔබට ක්‍රීඩා හා යෞවන කටයුතු අමාත්‍යයෙන් හෝ ඔබට එදින දොරටුවෙන්ද ටිකට් පත් මිල දී ගැනීමට පුළුවන්.
