අහස උසට නැග ඇති අත්‍යවශය භාණ්ඩ මිල පිළිබඳ ගැටලුව පරයමින් රංජන් රාමනායකගේ දුරකථන සංවාද පිළිබඳ සාකච්ඡාව
මේ මොහොතේ ජනමාධ්‍යයේ අවධානය වැඩියෙන්ම ලබාගන්නා ගැටලුව බවට පත්ව ඇත. පළමුව පසුගිය දා පොලිසීය විසින් මන්ත්‍රී රාමනායකගේ මන්ත්‍රී නිවාසය සෝදිසි කිරීමෙන් අනතුරුව ඔහු සන්තකයේ තිබුණු නිල ගිනි අවියට වලංගු බලපත්‍රයක් නොමැතිවීමේ ඉතා නුදුරු හේතුව මත ඔහු අත්අඩංගුවට ගැනිණි. විරුද්ධ පක්ෂය එය හැඳින්වුයේ අභිනව ආණ්ඩුවේ දේශපාලන පළිගැනීම්වල දිගුවක් වශයෙනි.
එහෙත් මන්ත්‍රී රාමනායක අත්අඩංගුවට ගැනීමට මූලික හේතුව වූයේ ලයිසන් නොකළ ගිනි අවිය නොව ඔහු සතුවන දුරකතන සංවාද අඩංගු සංයුක්ත හා දෘඩ තැටි තොගයක් බව පසුව හෙළිකෙරිණ.
ආණ්ඩුවේ සමහර ඇමතිවරුන් පොලිසියට දෝෂාරෝපණය කළේ වැරදි හේතුවකට රාමනායක මහතාට උසාවියෙන් ඇප ලබා දීමත් යන හේතු නිසාය. ගිනි අවියක් අවසර නොමැතිව තබා ගැනීම සුළු වරදක් බවත් ඊට වඩා රාමනායක මහතා සතු හඬපට ආණ්ඩුවට වැදගත් වන බවත් ඔවුන්ගේ කතාවලින් හෙළිවිණ.
විවෘතව අදහස් දක්වන , දූෂණ විරෝධී හඬක්....
බොහෝ දෙනෙකු හැඳිනගන්නේ රාමනායක යනු විවෘතව අදහස් දක්වන , දූෂණ විරෝධී හඬක් වශයෙන් වන අතර ඔහුගේම පක්ෂයේ සමහර නියෝජිතයන්ගේ දූෂණ හා වංචාවලට එරෙහිව ඔහු හඬ නඟා තිබේ. එසේම අධිකරණය, සංඝයා ආදී ගෞරවාන්විත ආයතන තුළ පැවතිය හැකි පරිහාණියට එරෙහිව ද රාමනායක විශාල හඬක් විරෝධයක් , ඊනියා විධිමත් හෝ අවිධිමත් ආකාරයෙන් නඟා තිබේ.
එක්සත් ජාතික පක්ෂය තුළ මත් රාමනායකට එරෙහි බලවේගයක් වර්ධනය වීමේ රහස පැවතිය හැක්කේ ඔහුගේ එම නිර්භය දූෂණ විරෝධය මතම විය හැක.
කෙසේමුත් අද දවසේ රාමනායකගේ භුමිකාව මාධ්‍ය තුළ විශාල කැළඹීමක් නැවත ඇතිකර තිබේ. ආණ්ඩුවේ පාර්ශ්ව, විශේෂයෙන්ම ජාතිකවාදීන් හා දූෂණ වාර්තා සම්බන්ඳයෙන් පසුගිය ආණ්ඩුව සමයේ දී අධිකරණ වරෙන්තු ලද මැති ඇමතිවරුන්, රන්ජන්ගේ භූමිකාවට එරෙහිව අවි එසවීම ද විශේෂයකි.
කෙසේ නමුත් රාමනායක මහතා අත්අඩංගුවට පත්වී එක රැයකට පසු ඇප මත නිදහස ලැබීමත් ඉන්පසු ඔහු එවකට බුද්ධි අංශයේ අධ්‍යක්ෂවරයා සහ ඉහළ උසාවියේ විනිශ්චකාරිනියක සමඟ පැවැත්වු දුරකතන සංවාදය යි හඳුන්වන හඬපට කිහිපයකට මේ වනවිට සමාජ සහ සාම්ප්‍රදායික මාධ්‍ය අවකාශයේ පුළුල් ප්‍රචාරයක් ලැබී තිබේ.
හඬපට : මුද්‍රා තබන ලද නඩු භාණ්ඩයක් !
මේ හඬපට රජය නියෝජනය කරන මන්ත්‍රීවරුන් කිහිප දෙනෙකු විසින් ඔවුන්ගේ මාධ්‍ය සාකච්ඡාවලදී මාධ්‍ය වෙල නිකුත් කිරීම සිදුකෙරිණි. ඔවුන් පැවසුවේ එම හඬපට ඔවුන් සොයාගත්තේ අන්තර්ජාල මාධ්‍යවලින් බවයි. එහෙත් රාමනායක අත්අඩංගුවට පත්වන මොහොතේ මුද්‍රා තබන ලද නඩු භාණ්ඩ වශයෙන් පොලිසිය විසින් භාරයට ගත් එම හඬපට එසැණින් මාධ්‍ය මඟින් විකාශය කිරීම හා ඔහු වැරදිකාරයෙකු වශයෙන් හංවඩු ගැසීම අතර කිසියම් දේශපාලන සබඳතාවක් පවතීද යන්න වෙනම කාරණයකි.
එක්තරා අකාරයකින් තමන් කළ සියලු දුරකථන සංවාද පටිගත කොට , නැවත තැටිගත කොට ආරක්ෂා කරන මෙම පුද්ගලයාට පවතින මානසික ව්‍යාධිය කුමක්ද යනුවෙන් යමෙක් ඉතාමත් සරලව ප්‍රශ්න කරනු ඇත. නමුත් ඔහුම දක්වන ලෙසට එය ' සහපාලන ආණ්ඩුවේ හොරු ඇල්ලීම ' පිළිබඳ නාටකය සැබෑවක් බව පත් කිරීමට ඔහු සොයා ගත් ක්‍රමවේදයේ කොටසකි.
එක අතකින් ' වන්ෂොට් ' නැතිනම් ' මමයි රජා ' පන්නයේම යුක්තිය උදෙසා කරන සිනමාත්මක සටනක ප්‍රවේශය ම වෙයි. එයින්ම , 'වන්ෂොට්ගේ ' සටන නීතිය බුද්ධි අංශ , දේශපාලකයන් , වංචාව, දූෂණය ආදි අවකාශ අතර සිදුවන ක්‍රියාදාම මාලාවක් ය.
රාමනායකගේ හඬපට රජයේ පවතින අර්බුදයනගේ භයංකර ස්වරූපය පිළිබඳ ඉතා දැඩි අනතුරු ඇඟවීමක් කරයි. එක පසෙකින් රාජ්‍යයේ නෛතික යුක්තිය පසිඳලීම පිළිබඳ ගැටලුවය. එහිදී දේශපාලකයන් විසින් කොතරම් නරක අන්දමට නීතිය අපහරණය කරනවාද යන්න රාමනායක සාක්ෂි සහිතවම ඔප්පු කරයි.
මේ කිසිදු සොයා ගැනීමක් අලුත් තත්වයක් නොවන නමුත් රාමනායක විසින් ඒවා පටිගත කොටගත් සාක්ෂි වශයෙන් ගෙන ඒම නිසාම ඒවාට වැදගත් තැනක් හිමිවෙයි.
තරුණ ජවය සහිත අයුක්තියට එරෙහිව කැපවුණු විරයෙකුගේ චරිතය ඉතාමත් අවංකයව නිරූපණයට පෙළඹෙන සිනමා තාරකාවක් වන රාමනායක කරන්නේ වෘකයන් අතර නග්නව සටනකි. ඔහු තම ආත්මය ඒ සඳහා කැප කරයි. තම පෞද්ගලිකත්වය රජයේ පීඩාකාරී බලය විසින් දැඩි ලෙස උල්ලංඝණය කරන විටදී පවා යුක්තිය යනුවෙන් යමක් පවතින බවත් ඔහු විශ්වාස කරයි.
ඔහුම පවසන ආකාරයට ඔහුගේ කුමක් කළ යුතුද යන ගැටලුව සමඟ ඔහුද ඉතා දැඩිව ආත්ම පරිත්‍යාගයකින් යුතුව සටන් කරන වග පිළිගැනීමට අප මැලි විය යුතු නැත.
දේශපාලනය යනු ජාවාරමක් වී ඇති යුගයක, ජනතාව දේශලානය වෙනුවෙන් අතිශය පෞද්ගලික මනෝභාවයන් සහ ආශාවන් ප්‍රමුඛ කෙටගත් යුගයක, පොදු මහජන පරිමණ්ඩලය පිළිබඳ අපගේ විශ්වාසය හීනවී තිබේ.
යුක්තිය උදෙසා රාමනායකගේ ඔහුටම සුවිශේසී අතිශ්‍ය පෞද්ගලික එළඹුමේ පවතින පොදු වැදගත්කම අප විසින් කියවාගත යුත්තේ ඒ සියලු තත්වයන්ට සාපේක්ෂවය
(අතුලසිරි සමරකෝන් - 'අනිද්දා' පුවත්පතින් උපුටා ගන්න ලදී)
සබැඳි පුවත් :
එජාපය රන්ජා අත්අඩංගුවට ගැනීමටත් පෙර වරදකරු කරයි - එජාපය ගම්මන්පිල දඬුවම් නියම කරයි (VIDEO)
'රන්ජන් රෙකෝඩ්ස්' : 'ඇතැම් මාධ්‍ය කරන්නේ රන්ජන් කළාටත් වඩා බරපතල අපරාධයක්' - නීතිඥ අචලා සෙනවිරත්න
'රන්ජන් රෙකෝඩ්ස්' : අර්බුදයට විසඳුම් සෙවීමට “ජනතා කොමිසමක්” -කුසල් පෙරේරාගේ යෝජනාවක්
'රන්ජන් රෙකෝඩ්ස්' ගැන වික්‍රමබාහු කියන පුදුම කතාව (VIDEO)
රන්ජන් රෙකෝඩ්ස් : ''හතේ පොතේ තහනම ගැන කතා අස්සේ කරවටක් ගිලෙන්න ශෘංගාර මුහුදක් '' - චින්තන ධර්මදාස
රන්ජන් රෙකෝඩ්ස් : ජ්‍යෙෂ්ඨ මාධ්‍යවේදී සුනන්ද දේශප්‍රිය, රන්ජාට 'තෑන්ක්ස්' කරලා !
රන්ජන් රෙකෝඩ්ස් : 'අප්ෂට් එක හිට් කර' ආණ්ඩුව ගත්තු තීන්දු මෙන්න !
රන්ජන් රෙකෝඩ්ස් : ''මේ මිනිහා තනිකරන්ඩ එපා. වටවෙයල්ලා ඇත්ත එක්ක''
රන්ජන් රෙකෝඩ්ස් : හඬපට සැන්ඩි කිරීමට මංගල මෙහෙයුමක් !- ඇමති බිරින්දෑවරුන් ගණනාවක හඬපටත් එලියට!!
රන්ජන් රෙකෝඩ්ස් : 'රන්ජන් අතින් සිදුවී තිබෙන්නෙ අයිතිහාසික කාර්‍යය බාරයක්' -වික්ටර් අයිවන්
රන්ජන් රෙකෝඩ්ස් : රන්ජා, ප්‍රභූ කතුන් රැසක් සමගත් 'ෆෝන් සෙක්ස්' කරලා !
රන්ජාගේ හඬපට අතුරු කතා: ඊවාට ගෙදරට එන්න කියලා මහින්ද කිව්වා මතක ද?
රන්ජන් රෙකෝඩ්ස් : රන්ජා, ප්‍රභූ කතුන් රැසක් සමගත් 'ෆෝන් සෙක්ස්' කරලා !
රන්ජන් රෙකෝඩ්ස් : 'බැලුබැල්මට ශානි කරපු වරදක් නැහැ' - කලම්බු ටෙලිග්‍රාෆ් කර්තෘ
රන්ජන් රෙකෝඩ්ස් : එජාපයෙන් විනය ක්‍රියාමාර්ග එද්දී රන්ජා උසාවියේදී කියපු කතාව !
රන්ජන් හා විනිසුරුවරිය අතර හඬපටය ගැන දුර්මත ? (VIDEO)
රන්ජාගේ හඬපට: මහින්දානන්ද "ඝාතන සැලසුමක්" ගැන මැතිසබේ වාද
රන්ජාගේ හඬපට: රනිලුත් කපෝති! - මහින්දානන්දට 'ෂුට්' කරන්න උපදෙස් දීලා !! (VIDEO)
රන්ජාගේ හඬපට : ''මෑත කාලීන දේශපාලනයේ වඩාත්ම අනුරාගික වාක්‍යය'' -Mahesh Hapugoda
රන්ජාගේ හඬපට: අධිකරණයේ කන්‍යා පටලයට කෙළ වී තිබේ! - ''මට නම් මාර ආතල්'' -සිරිමල් විජේසිංහ
