ලෝක කුසලාන තරග මාලාවේදී ඉංදියාව දැනට අපරාජිතව ඇත.
ලංකාව සහ ඊයේ දකුණු අප්රිකාව ලද පරාජයන් සේම එංගලන්තය දවා ගැනීම ආදිය දෙස බලන විට ඉංදීය පන්දු යැවීමේ බල ඇණිය අන්ප්ලේයබල් තත්වයක සිටින බව පෙනී යයි.
අනෙක් කණ්ඩායමකට තණතීරුව බැටින් හෝ බොව්ලින් ලෙස පෙනීගියත් ඒ දෙකටම ඉංදියාව සූදානම්ය.
ඉංදියාව විසින් ලංකාව වැනි කන්සිස්ටන්සි අතින් පහළ කණ්ඩායමක් සේම ප්රබල පන්දු යවන්නන් සිටින සහ දැනටමත් කොලිෆයිඩ් වී ඇති ප්රොටීස් ලව දවා ගැනීම විශ්මකර්ම බලයකින් සිදුවූවා සේ පෙනීයයි.
කෙසේමුත් ඉංදියාව හමුවේ හැම ටීම් එකකම ඉරණම ඉතාම දරුණු එකක් වී ඇත. එනිසා බොහෝ අය බොහෝ දේ කියයි. නමුත් ඉංදියාව ඉංදියාවේ දී වර්තමානයේ පරාජය කිරීම දැවැන්ත අභියෝගයක් බව පෙනෙයි.
තරුණ ක්රීඩකයන් රැසක් සහිත ලංකාවට ලෝක කුසලානය තබා ඉතිරි තරග ජය ගැනීමත් ඉතා දැඩි අභියෝගයකි. ක්රිකට් අවිනිශ්චිතය. නමුත් ඉංදියාව තරග කරන ආකාරය එම ප්රකාශය පවා වැරදි බව පෙන්වයි. එක දිගට ප්රතිවාදී කණ්ඩාම් සියල්ල පසු බස්වමින් ඉංදියාව ජයග්රහණය වෙත යමින් සිටී. ඉංදියාව ජයගැනීම අපගේ අසල්වැසියා ලබන ජයක් නිසා අපට ද සතුටට හේතුවක් කර ගැනීම විනා වෙනත් විකල්පයක් නැත...
ඉංදීය ක්රිකට් සේම ඉංදීය භූදේශපාලන බලයද අද වන විට කලාපයට සහ ලෝකයට ප්රබල බලපෑමක් ඇතිකරමින් තිබේ. ඉංදීය මුදල් ඇමතිනියගේ තුන්දින නිළ සංචාරය අපට බොහෝ දේවල් සිතන්නට එක්කර ඇත.
ඉංදියාව ට ලංකාව මූලෝපායිකව වැදගත්ය. එම නිසා ඉංදියාව ලංකාව සහ අනෙකුත් බලවතුන් අතරවන ගණුදෙනු පාලනයකට උත්සාහ කරයි.
ජාත්යයන්තර දේශපාලනය තුළ ඉංදීය සහ ලංකා සබදතාව විශේෂ එකකි. එය අදට වඩා හෙට දී නව න්යායාත්මක සාකච්ඡාවලට මග පාදනු ඇත....නමුත් ඉංදියාව නැමති අති දැවැන්ත බලය සමග කරන දේශපාලන ගණුදෙනුව මීට වඩා සියදහස් ගුණයකින් සිතමින් සිදුකළත් අසමාන බල ව්යූහය නිසා අපගේ ඉරණම පැහැදිළිය.
එය ජය/පරාජය පිළිබද තත්වයකට වඩා එනම් ක්රිකට් ක්රීඩාවට එහා යන තත්වයකි. එයට මුහුණ දීමට අවශ්යය ඤාණය හා බලය අපට දැනට නැත....නමුත් IPL වැනි මොඩලයක් තුළ එම ව්යූහාත්මක බලය නිරූපණය විය හැක...
(ආචාර්ය අතුලසිරි සමරකෝන්)
ශ්රී ලංකා විවෘත විශ්වවිද්යාලයේ ජාත්යන්තර සබඳතා පිළිබඳ ජ්යෙෂ්ඨ කථිකාචාර්ය
Athulasiri Samarakoon ගේ ෆේස්බුක් පිටුවෙන්..