නිම්මි හරස්ගම බ්‍රිතාන්‍ය ජාතික ටෙලි සම්මාන උලෙළට නිර්දේශ වෙයි

 

ඇය මෙම සම්මානයට නිර්දේශ ලබන්නේ The Good Karma Hospital ටෙලි මාලා නාටකයේ තුන්වැන්නෙහි මේරි රොද්රිගේස් නම් හෙද නිලධාරිනියගේ චරිතය වෙනුවෙනි. The Good Karma Hospital වෙනුවෙන් සම්මානය සඳහා සුදුසුකම් ලැබූ එකම රංගන ශිල්පිනිය ද ඇය වේ.

 

 

 

රංගන ශිල්පිනියන්, ශිල්පින් 72ක් BTNA හොඳම ටෙලි රංගනය සම්මානය උදෙසා නිර්දේශ ලබා සිටින අතර ඔස්කාර් සම්මාන දිනූ ඔලිවියා කෝල්මන්, ගිලියන් ඇන්ඩර්සන් වැනි ප්‍රවීන රංගන ශිල්පිනියන් ද ඒ අතර සිටීම විශේෂත්වය කි.

 

"දක්ෂ රංගන ශිල්පින්, ශිල්පිනියන් සිටින නිර්දේශ ලැයිස්තුවට ඇතුලත්වීමට ලැබීම සහ මෙම නිර්දේශ ලැබීම මට ඉතා ගෞරවයක් වගේම නිහතමානී ආඩම්බරයක්," යනුවෙන් නිම්මි හරස්ගම සිය සමාජ මාධ්‍ය ඔස්සේ අදහස් දක්වා තිබුණි.

 

 

 

 

 

ජූනි 4 වැනිදා බ්‍රිතාන්‍ය වේලාවෙන් රාත්‍රී 11 දක්වා BTNA ටෙලි තරු සහ නිර්මාණ වෙනුවෙන් මනාප පළ කළ හැකි අතර පහත සඳහන් සබැඳිය ඔස්සේ නිම්මි හරස්ගමට ඔබේ මනාපය ලබා දීමට හැකි ය,