කවුරු හොරු සමග හෙලුවෙන් හිටියත් රොෂාන් රණසිංහ සහෝදර මන්ත්රීවරයාගේ ජීවිතාරක්ෂාව
තහවුරු කිරීම අගමැතිවරයාගේ කතානායකවරයාගේ වගකීමක් බව මාතර දිස්ත්රික් මන්ත්රී ඩලස් අලහප්පෙරුම පාර්ලිමේන්තුවේදී අද (28) පැවසීය.
විධායකයයෙන් මහජන නියෝජිතයකුට මරණ තර්ජන එල්ල වුණු අවස්ථාවක් මෙරට පාර්ලිමේන්තුවෙන් මෙන්ම ලෝක පාර්ලිමේන්තුවෙන්ද මෙතෙක් වාර්තාවී නොතිබූ බව පැවසූ මන්ත්රීවරයා, රොෂාන් රණසිංහ මන්ත්රීවරයාගේ ජීවිතය අද දැඩි අවදානමක පවතින බවද ප්රකාශ කළේය.
ඔහු මෙසේ පැවසුවේ රාජ්ය පරිපාලන, ස්වදේශ කටයුතු සහ පළාත් සභා සහ පළාත් පාලන අමාත්යාංශයේ වැය ශීර්ෂය පිළිබඳ අයවැය කාරක සභා අවස්ථාවේ විවාදයේදීය.
ඩලස් අලහප්පෙරුම මන්ත්රීවරයා මෙසේද පැවසීය.
''විෂය පථයට පැමිණෙන්න පෙර අදාල නොවුණත් වෙනත් කාරණයක් ගැන මේ සභාවේ අවධානය යොමු කරන්න කැමතියි. ඊයේ සහෝදර මන්ත්රීවරයෙක් රොෂාන් රණසිංහ බරපතළ වරප්රසාද ප්රශ්නයක් මතු කළා. විධායකයෙන් ඔහුට එල්ල වන මරණ තර්ජන ගැන. මේ පාර්ලිමේන්තු ඉතිහාසයේ එවැනි සටහනක් මීට පෙර තිබී නැහැ. මහජන නියෝජිතයකුට විධායකයෙන් මරණ තර්ජන එල්ලවූ අවස්ථාවක් ලෝක පාර්ලිමේන්තුවෙන්වත් වාර්තා වෙලා නෑ.
ග්රාම නිලධාරීන්ට අද වෙනතුරු සේවා ව්යවස්ථාවක් නෑ. ගමන් දීමනාව තියෙන්නෙ මාසෙකට රුපියල් 600යි. ග්රාම නිලධාරී පුරප්පාඩු තුන්දාහක් විතර තියෙනවා.
මේ පුරප්පාඩු නොපිරවීම අසාධාරණයක්. මැතිවරණ ප්රතිසංස්කරණ කොමිෂන් සභා පත් කරමින් මැතිවරණ කල් දමන්න එපා කියලා ඉල්ලීම් කරනවා.