ශ්‍රී ලංකා ඉතිහාසයේ ඔබ මෙතෙක් දැක නැති ජාත්‍යන්තර ප්‍රමිතියේ සටන් ක්‍රීඩා තරගාවලියක් වන Karma Fight League එසේත් නැත්නම් (KFL) ප්‍රේක්ෂකයන් අතරට ගෙන ඒමට මේවන විට සියලු කටයුතු සුදානම්.
ශ්‍රී ලාංකියනගේ ක්‍රීඩා විනෝදාස්වාදය වෙනුවෙන් විප්ලවීය වෙනසක් සිදු කිරීමට සූදානම් වන KFL හි පළමු සටන් රාත්‍රිය එළඹෙන අගෝස්තු 26 වන දා කොළඹ The Taprobane හිදී පැවැත්වීමට නියමිතයි.
ඒ සඳහා ඉදිරිපත් වීමට තරඟකරුවන් හා තරඟකාරියන් 14 දෙනා අතරින් කිහිප දෙනෙකුගේ විස්තර පහත පළවේ.
ක්‍රීඩාවට අතිශය ඇලුම්කම් දක්වන KFL තරගාවලිය සිටින සුරූපි තරගකාරියක් වන හංසනා බාලසූරිය තවමත් 23 න් හැවිරිදි වියේ පසුවන සටන්කරියක්
පාසල් අවදියේ කරාටේ ක්‍රීඩාවට යොමු වන හංසනා දෙවතාවක් කරාටේ කළුපටි ධාරිනියක් ද වනවා
පසුකාලීනව muay thai සටන් කලාවට යොමු වන ඇය KFL තරගාවලිය ගැන අදහස් දක්වමින් පැවසුවේ ක්‍රීඩකයන් ප්‍රවර්ධනය කරමින් ජාත්‍යන්තර මට්ටමේ හැඩයක් සටන් කලාවට ලබාදීමට මෙම තරග තරගාවලිය ගනු ලබන උත්සාහය අගය කළ යුතු බවයි
එමෙන්ම තරුණියත් වශයෙන් ඔබ එක් වතාවක් හෝ සටන් කලාව යොමුවීම තුළින් ඔබේ ආත්ම විශ්වා විශ්වාසය ගොඩ නගා ගැනීමට මෙම ක්‍රීඩාව අතිශය ඉවහල් වන බව වැඩිදුරටත් අදහස් දක්වමින් හංසනා පැවසුවා.
knockout artist කෙනෙකු ලෙස සිය ප්‍රෙක්ෂකයන් පිනවීමට අතිශය ප්‍රිය කරන KFL තරඟාවලියේ සිටින තාක්ෂණයෙන් අනූන ප්‍රබල සටන් කරුවෙකු ලෙස බ්‍රයන් චෝල්ටන් හඳුන්වා දිය හැකියි
වයස 22 දී MMA සටන් කලාව පුහුනු වීම අරඹන බ්‍රයන් පසුකාලීනව තායිලන්තයට ගොස් Muay Thai සටන් කලාව පුහුනු වීම ආරම්භ කරනවා
2022 දී තායිලන්තයේ පැවැති PRO Muay Thai සටන් තරගාවලියට එක්වන බ්‍රයන් එහිදී ජර්මන් ජාතික සිය ප්‍රතිවාදියාට අමතක නොවන සටනක් ලබාදෙමින් තායිලන්ත ප්‍රේක්ෂකයන්ගේ පවා ආකර්ෂණය දිනා ගැනීමට සමත් වනවා
අගෝස්තු 26 ව දා පැවැත්වෙන KFL තරගාවලියේ සිය සටන නැරඹීම්ට සිය ප්‍රේක්ෂකයන්ට ආරාධනා කරමින් බ්‍රයන් පැවසුවේ එදිනට අමතක නොවන සටනක අත්දැකීමක් ඔවුන්ට ලබා දීමට තමන් බලා බලාපොරොත්තුවෙන් පසුවන බවයි
ගම්පහ ප්‍රදේශයේ සිට KFL තරගාවලියට එක්වන වයස අවුරුදු 22 ක් වන ක්‍රිස්ටීන් ජයසත් පෙරේරා වෘත්තියෙන් බැංකු නිලධාරියෙක්.
විනෝදාංශයක් ලෙස මීට වසර දෙකකට පෙර සටන් කලාව ප්‍රගුණ කිරීම් ආරම්භ කළ ජයසත් සිය මංගල තරගය KFL තරගාවලිය ඔස්සේ ක්‍රීඩා කිරීමට බලාපොරොත්තු වෙනවා
බුවෝකෝ නම් තායිලන්ත පුරාවෘත්ත සටන් කරු ඔස්සේ යමින් සටන් කලාව ප්‍රගුණ කිරීම ආරම්භ කළ jayasath KFL තරගාවලියේ සිය ප්‍රතිවාදියා වනගයාන් ප්‍රසන්න පිළිබඳ පළකළේ මෙවන් අදහසක්
''ඔහු හොඳ සටන් කරුවෙක් මීට පෙර ඔහු සටන් කිහිපයකට සහභාගි වෙලා තියෙනවා, එනිසා මගේ සියට සීයක් මදිවෙයි මම මගේ දෙසීයක් මේ තරගය වෙනුවෙන් දෙන්න අනිවාර්යෙන් බලාපොරොත්තු වෙනවා
2016 වර්ෂයේ සිට සටන් කලාව පුහුණු වෙන කවිදු රසාංජන සිය වසර හතක සටන් අත්දැකීම් සමගින් මෙවර KFL තරගාවලියට එක් වන්නේ සිය ප්‍රතිවාදීයා ට ප්‍රබල අභියෝගයක් එක්කිරීමේ අරමුණින්
වෘත්තියෙන් කාර්මික ශිල්පියෙකු වන රසාංජන මේ වන විට සටන් කරුවෙකු ලෙස දේශීය තලයේ ජයග්‍රහණ රැසකට උරුමකම් කියනවා
2018 national muay thai තරගාවලිය රිදී පදක්කම් දිනා ගැනීමට සමත්වුණු කවිඳු මේ වන විට ප්‍රධාන ගණයේ සටන් 9ක් සඳහා සිය සහභාගීත්වය දක්වා තිබෙනවා
ඒ අතරින් WMO world championships තරගාවලියේ ලෝකඩ පදක්කම සහ WMC තරඟාවලියේ lightweight අංශයේ ශූරතාවය දිනා ගැනීමට ඔහු සමත්කම් දක්වා තිබෙනවා
ශ්‍රී ලංකාවේ සටන් කලාවට එක් වන් නවතම නව්‍යකරණ සටන් අත්දැකීම වන KFL තරගාවලිය ගැන අදහස් දක්වමින් කවිදු රසාංජන පැවසුවේ මෙම තරගාවලිය දේශීය සටන් කරුවන්ට ජාත්‍යන්තරය ජය ගැනීම සඳහා වූ ගමනට හොඳ අඩිතාලමක් බවයි
හඟුරන්කෙත ප්‍රදේශ්යේ සිට KFL තරගාවලියට එක්වන නිමේෂ ලසන්ති යනු වර්තමාන සටන් ක්ෂේත්‍රය තුළ සිටින ප්‍රබල වෘත්තිමය තරඟකාරියක්
2015 දී බොක්සිං ක්‍රීඩාව ඔස්සේ සටන් කලාව ප්‍රගුණ කිරීම ආරම්භ කරන නිමේශා ලසන්ති 2019 දී muay thai සටන් කලාව ද ප්‍රගුණ කිරීමට යොමු වනවා
ඇය එම වසරේම ජාතික muay thai ශූරතාවය දිනා ගැනීමට සමත් වන්නේ තම දක්ෂතාවය මනාවට පෙන්නුම් කරමින්
ඉන් නොනැවතුන ඇය 2020 සහ 2021 වසර වලදී අපරාජිතව තම ශුරතාවය රැකගැනීමට සමත්වනවා
2019 දී තුර්කියේ පැවති muay thai තරගාවලියට පවා එක් වෙමින් ජාත්‍යන්තර අත්දැකීම් ලබා ඇති නිමේශා ලසන්ති 2022 WBC 2023 Fight Like A Girl තරගාවලි ද්ත්වයේම ජයග්‍රාහිකාවයි
KFL තරගාවලිය ගැන නිමේශා ලසන්ති අදහස් දක්වමින් කියා සිටියේ මෙවැනි තරගාවලි සංවිධානය කරමින් කාන්තා සටන් ශිල්පීන්ට වැඩි අවස්ථා ලබා දීම අගය කළ යුතු කාරණාවක් බවයි
2002 වර්ෂයේදී හොරණ විද්‍යාරතන විද්‍යාලයෙන් බොක්සිං ක්‍රීඩාව ඔස්සේ සටන් කලාව ආරම්භ කරන කුමුදු ප්‍රසන්න සටන් වළල්ල තුළ සිය ප්‍රතිවදියව මායිම් නොකරන දරුණු ගණයේ ප්‍රහාරකයකු ලෙස ප්‍රසිද්ධයි
වර්තමානයේ muay thai ජාතික ශුරයා වන කුමුදු WBC ශුරතාවය සහ WMC ශුරතාවයද දිනා ගැනීමට සමත්වුණු අති දක්ෂ සටන් කරුවෙක්
ජයග්‍රහණයම පමණක් සිය අරමුණ කරගත් අතිශය කැපවීම් සහගත ක්‍රීඩකයකු වන කුමුදු 2017වසරේදී තායිලන්තයේදී ලෝක ශුරතාවය ද දිනා ගැනීමට සමත් වුණා
දරුණු ප්‍රහාරකයෙකු වන කුමුදු ප්‍රසන්න KFL තරඟාවලියේ ක්‍රීඩා කරන තරඟය ප්‍රේක්ෂක ඔබට නවමු අත්දැකීමක් වනු නොවනුමානයි 
රත්නපුර ප්‍රදේශ්යේ සිට KFL තරගඟාවලියට එක්වන ගයාන් ප්‍රදීප් තවමත් 21 ක් හැවිරිදි වියේ පසු වනවා
කුඩා කල සිටම සටන් කලාවට තිබූ අතිශය ආදරයක් සමඟ කරාටේ සටන් කලාව වසර 10 ක් ප්‍රගුණ කරන ගයාන් පසුව muay thai සටන් කලාවට යොමුවනවා
නිරන්තරවම දැඩි පුහුණුවීම් වල යෙදෙන්නෙකු වන ගයාන් සිය ප්‍රතිවාදියාට තදින් පහර දීමට කැමැත්තක් දක්වන සටන්කරුවෙක්
සටන් වළල්ල තුළ සිහින හඹායන්නා යන අන්වර්ථ නාමයෙන් හඳුන්වන ගයාන් ප්‍රදීප් WBC ශූරතාව දිනා ගැනීමටද සමත් තරගකරුවෙක්
KFL තරඟාවලිය ගැන අදහස් දක්වමින් ගයාන් පැවසුවේ තමා මෙන් කොළඹ ප්‍රදේශයෙන් බැහැරව සිට අනාගතයේදී සටන් කලාවට ප්‍රවේශ වීමට බලාපොරොත්තුවෙන් සිටින
තරුණයන්ට මෙම තරගාවලිය අනාගතයේදී අතිශය වැදගත් තරගාවලියක් වනු ඇති බවයි 
කුඩා කල සිටම සටන් කලාවට යොමු වීම අරමුණු කරගත් ගෙවින් වෙජිලෙන්ඩන් KFL තරගාවලියේ සිටින තවත් දක්ෂ සටන්කරුවෙක්
2022 WBC මුව-තායි තරගාවලියේ හෙවිවේට් අංශයේ ජයග්‍රාහකයෙක් වන ගෙවින් තවමත් 23 න් හැවිරිදි වියේ පසුවනවා
ඉන්දුනීසියාවේ පැවති මුව-තායි තරගවලියක ද ජයග්‍රහණක් සමඟින් ජාත්‍යන්තර අත්දැකීම් සමඟින් KFL තරඟාවලියට එක් වන ඔහුගෙන් ප්‍රේක්ෂකයන්ට ආශ්වාදජනක තරගයක් දැක් ගැනීමට හැකි වන බව නොඅනුමානයි
සිය ප්‍රතිවාදියා සටන අත්හරිනතුරුම ඉතා ඉවසීමෙන් සටන් කරමින් ප්‍රේක්ෂකයන් පිනවීමට කැමැත්තක් දක්වන ගෙවින් KFL තරඟාවලිය ගැන අදහස් දක්වමින් පැවසුවේ සටන් කරුවන්ට වෘත්තීය මට්ටමේ වටිනාකමක් එක් කිරීමට මෙම තරඟාවලියේ ගන්නා උත්සාහය මින් පෙර පැවති කිසිදු දේශීය තරඟයක දැක නැති බවයි 
ජා ඇල ප්‍රදේශයේ සිට KFL තරගාවලියට එක්වන තවමත් 20 හැවිරිදි හසිත මදුශංක මෙම තරගාවලියේ සිටින ලාබාලතම ක්‍රීඩකයායි
ශ්‍රී ලාංකික සටන්කරුවකු ලෙස ජාත්‍යන්තරය නියෝජනය කිරමින් ජයග්‍රහණ අත්කරදීමේ අරමුණින් KFL තරගාවලියට එක්වන හසිත වසර 4 කට ආසන්න කාලයක් විවිධ සටන් කලාවන් ප්‍රගුණ කර තිබෙනවා
KFL තරගාවලියෙන් සිය මංගල ජයග්‍රහණය ලබා ගැනීමේ අරමුණින් සටන් බිමට පිවිසෙන හසිත තව දුරටත් පැවසුවේ අගෝස්තු 26 වනදාට සිය ප්‍රතිවාදියාට ප්‍රතිවාදියා ට කලකට අමතක නොවන සටනක් ලබා දීමට දැඩි අධිෂ්ටානයෙන් පසුවන බවයි
සබැඳි පුවත:
Karma Fight League සටන් ක්‍රීඩා තරගාවලිය අගෝ. 26 රාත්‍රී
